هشام جمال يكشف كواليس علاقته بـ ليلى أحمد زاهر

كتبت- نوران أسامة:

حل المنتج هشام جمال والفنانة ليلى أحمد زاهر في برنامج "صاحبة السعادة"، الذي تقدمة الإعلامية إسعاد يونس، المذاع عبر قناة "dmc".

وقال هشام : "ليلى لما وقعت المسلسل كانت صغيرة في أول سنة 2020، وأول مرة أشوفها في حياتي كانت مع والدها صاحبي وأخويا وحبيبي النجم أحمد زاهر، وفكرة إنها تبقى بطلة المسلسل كانت بعد ما شفنا لها صورة على كوفر مع والدها وشكلها أكبر من سنها".

واستكمل: ": "كانت بالنسبالي بنت أحمد زاهر اللي وصاني عليها قبل الشغل، وقال مش هوصيك دي بنتي وصغيرة، وهي فعلا كانت في الكنافة".

وتابع: "تاني يوم في تصوير المسلسل فوجئت إن في حد ماشي ورا ليلى في كل مكان، يخبط عليها ويقول أستاذ فلان عايزك علشان تراجعي معاه المشاهد، وفوجئت إنه صور مع ليلى تيك توك من غير ما تعرف، ونشر حاجات عن المسلسل، بدأت المعلومات توصل عندي، وطلع واحد غريب نازل يتدرب إخراج، ونزلت دورت عليه في اللوكيشن، وأخذ اللي فيه النصيب، وكان آخر يوم له معانا".

لترد عليه ليلى: "انا كنت مرعوبة في الموقف، هو بالنسبالي شخص طيب، ومتخيلتش أشوف منه الوش ده".

وكان هشام جمال، كشف عن صور من حفل خطوبته على الفنانة ليلى زاهر عبر حسابه الرسمي على "إنستجرام".

اقرأ أيضا:

محمد رمضان ينشر صورة مع رجل الأعمال نجيب ساويرس ويعلق:"يا أعز الصحاب"

بعد تراجعه عن اعتزال الغناء.. خالد الفايد يطرح "طول الغياب"