شمس توجه رسالة قاسية للفنانات: "الكفن ملهوش جيوب"

كتب- هاني صابر:

كشفت الفنانة شمس، تفاصيل لقائها مع الفنانة دينا بعد تعرضها لحالة من الإكتئاب بسبب عدم عملها.

وقالت شمس، ببرنامج "قعدة ستات": قابلت دينا وقعدت جنبي بتاع ساعتين تلاتة وأدتني طاقة إيجابية للحياة وحب المهنة تاني، قالتلي لازم تخرجي معانا قولتلها أنا هخرج معاكي يا دينا عشان الحب باين في عنيكي، هخرج مع الناس اللي أحس انهم بيحبوني مش هخرج عشان حد ينافقني أو أنافق حد أو أعمل مصلحة من حد أو العكس.

وتابعت: "في ناس عايشة الدور ومن ضهرك بتكرهك وبتتكلم عليكي وحش.. كل حاجة بتوصل محدش بيقولك مين بس انتي بتعرفي من الكلام اللي بيترميلك، في ناس بتوصل الكلام، في حد ممكن يقولك رشحتك لدور بس فلانة قالت إن شاء الله، يعني إن فلانة بتكرهك".

ووجهت شمس، رسالة قاسية للوسط الفني: "عايزة أقول للناس دي كلها إن الكفن ملوش جيوب، وأنا مفهمتش الجملة دي غير لما اخواتي ماتوا، لا في كفن هتاخد فيه فلوس ولا شهرة.. الناس اللي بتكره الناس ومش بتتمنى الخير لبعض".

يذكر أن آخر أعمال شمس مسلسل "بأثر رجعي" الذي عرض عام 2022، وخاض بطولته مي سليم ومحمد عز وتوني ماهر وهالة فاخر وهاجر الشرنوبي ومن إخراج معتز حسام.