عصام كاريكا: عمرو مصطفى بيعمل مشاكل هتنسيه التلحين وعزيز الشافعي نمبر 1 حاليًا

كتبت- منال الجيوشي:
تحدث الملحن والمطرب عصام كاريكا، عن تصرفات الملحن عمرو مصطفى خلال الفترة الماضية، مشيدًا بأداء الملحن عزيز الشافعي.
وأكد عصام كاريكا في تصريحات لـ برنامج زوم ونص، المذاع عبر شاشة قناة هي، والتي تقدمه الإعلامية نورهان عبدالفتاح، أن عمرو مصطفى من أهم الملحنين على الساحة الغنائية، ولكنه أخطأ بالخلافات مع المطربين.

وأضاف عصام كاريكا: اتجاه عمرو مصطفى للمشاكل في الفترة الأخيرة مع النجوم هتخليه ينسى التلحين، وعامل مشاكل مع الأستاذ محسن جابر وعمرو دياب، يمكن هو عنده وجهة نظر وصح.

وتابع: كتر مشاكل عمرو مصطفى مع الفنانين هتخليه ينسى التلحين، وأنصحه أنه يركز في الشغل، وأدي النجوم ومتحطش شروط وماتقولش لحد يلا بالسلامة، لما ده بالسلامة وده بالسلامة هتلاقي نفسك في الآخر بتلحن لناس عادية.
وعن رأيه في عمرو مصطفى كملحن، قال عصام كاريكا: عمرو ملحن عبقري وهتلاقي عنده جمل تقوم لازقه مع الناس زي أغنية بشرة خير.

وأشاد عصام كاريكا بالمحلن عزيز الشافعي، قائلا: عزيز الشافعي أخويا وأستاذ كبير، وبعتبره نمبر وان في التحلين في الوقت الحالي.

وعن الملحن محمد رحيم، قال: رحيم عنده جمل أنا كملحن لما بسمعها بقوله يخربيتك أنت مش هتنيمني، أنت أزاي عملتها، بيجنني بجد.