يوسف فوزي: "مش هرجع للتمثيل تاني ولسه بيجيلي عروض"

كشف الفنان يوسف فوزي اعتزاله الفن بشكل نهائي، كما أكد أنه لا يفكر بالعودة مرة أخرى رغم أنه يتلقى عروض تمثيل حتى الآن.

وقال خلال لقائه ببرنامج مساء DMC مع الإعلامية إيمان الحصري: "أنا مش هرجع للتمثيل تاني كفاية أنا بمثل بقالي 33 سنة فكفاية بقى مش هاخد مكاني ومكان غيري كده رضا قوي ولو إني بيجيلي عروض لغاية دلوقتي".

وأضاف: "آخر حاجة كانت مع أحمد العوضي وياسمين عبدالعزيز عرضوا عليا بس قولتلهم ما باليد حيلة أدي الله وأدي حكمته".

وأردف: "أنا بقيت بقعد قدام التلفزيون من الساعة 12 الضهر للساعة 12 بالليل وبروح حمام السباحة في الكومباوند اللي أنا عايش فيه أنا ومراتي وبنروح نتغدى في النادي وبتابع وبشوف حصل إيه في الدنيا".

جدير بالذكر أن الفنان يوسف فوزي يعاني من أزمة صحية منذ عدة سنوات إذ أعلن في مارس 2016، اعتزاله التمثيل بشكل نهائي، وذلك لعدم تمكنه من أداء عمله، بسبب إصابته بمرض الشلل الرعاش، والذي يمنع تركيزه في تجسيد أدواره، كما يظهره بشكل مهتز أمام الكاميرات، ما يفسد أداء أدواره، موضحا أنه راض بقضاء الله، وفضل الابتعاد عن التمثيل تمامًا