ميار الببلاوي عن قضية وفاء مكي: "دعيت ربنا يمد في عمري عشان أقول كلمة حق"

كتب- مروان الطيب:

حلت الفنانة ميار الببلاوي ضيفة على برنامج "صبايا الشمس" تقديم المذيعة ريهام سعيد، وكشفت عن مفاجأة تتعلق بالفنانة وفاء مكي والتي قضت قرابة الـ10 سنوات في السجن، بتهمة تعذيب خادمتها في قضية شهيرة.

وعما تعرفه عن القضية قالت "الموضوع ده من وأنا ابني عنده شهر ومش عارفة مين اللي نبش فيه دلوقتي، وأنا متكلمتش فيه والفترة اللي فاتت لما كنت تعبانة وبعمل عمليات كتير كنت بدعي يا رب مد في عمري لحد ما أقول كلمة الحق، وكنت تايهة وفاكرة أن الموضوع مايسواش، والكلام بتاعي ممكن مايعملش حاجة ونفس الوقت جوايا صراع"، لافتة أن هناك ظروف اضطرتها لعدم الحديث في الأمر وقت حدوثه.

واستكملت "أنا قعدت 23 سنة تعبانة والموضوع بدأ بداية لما أتجوزت كان لازم ناس تشتغل معايا في البيت، جاتلي واحدة ومعاها عيال صغيرين بتوزعهم، اخدت واحدة منهم عندي، ورفضت إحداهن لأن تعاني من القراع الإنجليزي وهو مرض جلدي خوفاً على ابني".

ميار الببلاوي ممثلة قدمت العديد من الأعمال الفنية قبل ارتداء الحجاب، وتقوم حاليا بالعمل كمقدمة برامج تليفزيونية تناقش قضايا دينية واجتماعية.