حسن شاكوش بعد أزمته مع زوجته:"هفضل عند قراري مهما سمعت أي تجريح"

كتب- هاني صابر:

كشف الفنان حسن شاكوش، عن استعداده لتقديم أعمال جديدة خلال الأيام المقبلة، كما علق مجددا على تطورات أزمته مع زوجته ريم طارق.

وكتب شاكوش، عبر حسابه على فيسبوك: "الحمد لله والشكر ليك يا رب على كل حال.. الحقيقة الفترة اللي فاتت شاركنا معاكم مشاكل كثيرة مكنش ينفع اننا نشاركها معاكم لأن محدش يعلم شئ طلاما محدش شاف حاجة".

وتابع: " أنا برضو هفضل عند قراري مش هتكلم في أي تفاصيل حتى مهما سمعت أي تجريح بس حقيقي كل شخص هيتسأل قدام ربنا عن كلامه بس".

واستكمل: "الحمد لله وأنا حابب أعتذر لكل أهل بيتي وجميع أفراد إدارة أعمالي وكل فرد في فرقتي على الاساءة اللي بيتعرضولها يوميا من خلال السوشيال ميديا وخارج السوشيال ميديا وآسف تاني لكل أهل بيت في مصر وبره مصر على الاساءة اللي حصلت على السوشيال ميديا".

وأضاف: "حابب أشارك معاكم التريند بطريقة كوميدية وفيديو ترفيهي على التيك توك بدون الاساءة في أي شخص.. ربنا يعلم إنها حاجة ترفيهية فقط، وربنا يهدي حال الجميع والحمد لله على كل شئ وانتظروا شغل جديد الفترة اللي جاية دعواتكم.. عبستك إزاي وانتي مش بستاني".

يذكر أن، أزمة مغني المهرجانات حسن شاكوش وزوجته ريم طارق لا تزال تلقى اهتماما من رواد مواقع التواصل الإجتماعي المختلفة حتى الآن لمعرفة ما ستنتهي به قصة الثنائي الذي أثار حالة من الجدل عبر مواقع السوشيال ميديا، خاصة بعد تحرير كلا منهما محضرا ضد الآخر.