أول ظهور لدينا الشربيني بعد وفاة والدها

كتب- مصراوي:

قررت الفنانة دينا الشربيني كسر عزلتها وتحدثت عن أحدث أفلامها "يوم 13" بعدما منعها وفاة والدها من حضور العرض الخاص له.

وتحدثت خلال لقائها ببرنامج ET بالعربي عن عدم مشاهدتها الفيلم في السينما حتى الآن، وقالت: "أنا لسه على فكرة مروحتش الفيلم في السينما أنا شفت عرضه عند أستاذ وائل وبعدين حصلتلي ظروف وأول يوم أنزل النهاردة لسه هروح أشوفه في السينما أكيد".

وتحدثت عن كواليس الفيلم وقالت: "الفيلم بالنسبالي تجربة جديدة وكنت متحمسة جدا إني أبقى جزء من مشروع زي ده كنت مبسوطة إني هشوف نفسي 3D .. خوفت خلال التصوير مين قالك مخوفتش بس داود كان أكتر واحد خواف .. كان في مشهد إحنا دخلنا فيه الحمام عشان نشوف البانيو في إيه لما التعبان طلع فكانت الأوضة ضلمة خالص حتى الكاميرا مكنش طالع منها نور خالص فكنت أنا وشريف منير بنخض داود جامد وبوظنا المشهد كذا مرة".

وأضافت: "فكرة المنافسة دي مبفكرش فيها لأن كله بتاع ربنا وكنت متفائلة جدا للفيلم وردود الفعل أنا مبسوطة بيها وبحمد ربنا عليها".

فيلم "يوم 13" بطولة أحمد داود، شريف منير، دينا الشربيني، أحمد زاهر، جومانا مراد، محمود عبدالمغني، أروى جودة، نسرين أمين، محمد ثروت، فيدرا، محمد كيلاني، مجدي كامل، نهال عنبر، نهى عابدين، جيهان خليل، إيناس كامل، الفيلم موسيقى تصويرية هشام خرما، ومن تأليف وإخراج وائل عبدالله.