مكسيم خليل يكشف وقائع بشأن سرقة التبرعات لمتضرري زلزال سوريا

كشفت- مارسيل نظمي:

نشر الممثل السوري مكسيم خليل تفاصيل وقائع بشأن بمنع سوريين المعونات عن المتضررين من الهزات الأرضية العنيفة المتتالية على مدار اليومين الماضيين، وسرقتها لصالح أسرهم دون استحقاق أو بيعها.

وكتب عبر إنستجرام منشوراً مطولاً قال فيه: "نداء لأصحاب الضمير، بتقدر تحكي شو شفت وتفضح هدول الأشخاص بالإسم تحت، بالصور المرفقة عينة من رسائل كتيرة عم توصل أنه هلأ وبهذا الوقت المأساوي يلي عم يعيشوه السوريين وبعد مرور كم يوم على واحدة من أكبر الكوارث المصحوبة بعواصف وبرد قاسي.. هالوقت يلي الناس عم تستنى خبر عن أحبابها أو عن لهفة من حدا".

وتابع كشف وقائع السرقات: "مع الأسف في ناس تسرق وتخبي وتبيع الإعانات.. في منهم شيوخ وفي منهم مخاتير، وفي منهم هلال ومنظمات وفي منهم جيش وتجار.. طبعاً البعض لأنه أكيد في ناس عم تشتغل بكل إخلاص.. يلي عم احكيه موجود بكل مناطق سوريا بلا استثناء.. حلب، اللاذقية، جبلة، أدلب، جنديرس.. إلخ".

وأضاف خلال منشوره: "ما بعرف شو ممكن يقول الواحد.. لأنه أكيد يلي بيعمل هيك وبهيك وقت معدوم الضمير والإنسانية وما في شي ممكن يخليه يفكر بأخواته السوريين المتضررين ولا حتى بالسوريين يلي في منهم قرر يشيل اللقمة من تمه ليساعد أهله بسوريا، هدول الأشخاص يلي عم يستغلوا الوجع ليحققوا ربح.. الأمل منهم مقطوع.. ندائي هو للناس الحقيقية والنضيفة.. ندائي هو للمؤثرين والفنانين أنهم يساهموا بضبط هدول الأمور.. انتوا يلي بتقدروا تفضحوا هدول الناس وتحطوهن قدام الإجراءات القانونية المناسبة".

واختتم منشوره قائلاً: "برجع بأكد الموضوع ما يشمل الجميع بس الأكيد أنه عم يأثر على كل أشكال التبرعات المالية والعينية.. يلي ما عنده ضمير ما رح يفيق هلأ ضميره، بس الأمل بلي عنده ضمير، وأنا رأيي ممكن يكون هون مكان تحكوا شو عم يصير وشو شفتو بالإسم".

وتعاون الفنان السوري مكسيم خليل خلال الأيام الماضية، منذ بداية وقوع الزلزال المدمر في سوريا وتركيا، مع النشطاء والجمعيات الأهلية والأشخاص المتضررة من أجل مساندة كل من بحاجة إلى ذلك، وقام بمشاركة العديد من المنشورات عبر صفحاته الرسمية على منصات التواصل الاجتماعي بأسماء أشخاص بحاجة إلى مساعدات أو مفقودين".