تصدر التريند.. كيف علق الجمهور على أغنية "بطمن عليك" لـ عمرو دياب؟

كتب- هاني صابر:

تصدر اسم النجم عمرو دياب، تريند مؤشر البحث "جوجل" بأحدث أغانيه الجديدة والتي تحمل اسم "بطمن عليك" التي طرحها تزامنا مع احتفالات عيد الحب.

وجاءت تعليقات الجمهور على أغنية "بطمن عليك"، كالتالي: "تحفة بجد حاجة من ريحة عمرو بتاع زمان.. بس كان لازم النكد ده تقريبا سمعتها بتاع مليون مرة في 4 ساعات" ، "دي تحفة فنية رائعة" ، "تجنن ملهاش حل بجد والهضبة الأسطورة ابداع بصوته الساحر كالعادة " ، "الأغنية دي حالة وكلمات وتلحين وتوزيع والأوكورديون وصوت وأداء جميل فعلا" ، "الله عليك، إبداع من بعد إبداع" ، "أحلى هدية في الفلانتين.. تحفة بجد" ، "إيه الجمال ده بجد".

ومن بين التعليقات الأخري أيضا: "كلمات ولا أحلى وألحان ولا أحلى، عمرو دياب أصلا بنعيش بصوته كل الذكريات، ألف مبروك" ، "عمرو دياب جاي يعيطنا شوية في الفلانتين" ، "عمرو دياب بينكد علينا في عيد الحب" ، "عمرو دياب عامل عظمة، وحشتنا يا عم والله" ، "عمرو دياب بيعمل عظمة بطمن عليك مفيش حلاوة بالشكل ده حقيقي".

وطرح عمرو دياب أحدث أغانيه "بطمن عليك" بالتزامن مع عيد الحب، وذلك عبر خدمة إحدى شركات الاتصالات .

"بطمن عليك" من كلمات وألحان عزيز الشافعي، توزيع أحمد ابراهيم، وميكساج وديجيتال ماستر أمير محروس.

ويقول مطلع الأغنية :

أنا بطمن عليك مش عايز حاجة منك

غير بس إنك ترد

إنت كويس بجد؟

مش ناقصك أي حاجة؟

مش ناقصك أي حد؟

يا بعيد عن عيني

يا عيني بعيد

من القلب أنا بسلم

منا معزز سلام الإيد

وكان عمرو دياب قد أحيا مؤخرا حفلا كبيرا في العاصمة السعودية الرياض .

وشهد الحفل حضورا جماهيريا كبيرا كعادة حفلات الهضبة في الدول العربية، وقدم على مدار ساعتين مجموعة من أشهر أغانيه وسط تفاعل كبير من الحضور.

#عمرو_دياب #بطمن_عليك_عمرو_دياب pic.twitter.com/Di5fO9JtZR

— Sameh Melegy (@MelloMazzika) February 14, 2023