شهيرة بعد وفاة محمود ياسين..:"بنام لوحدي وصاحبت الوحدة"- فيديو

كتبت- بهيرة فودة:

تحدثت الفنانة شهيرة عن شعورها بعد وفاة زوجها الفنان الراحل محمود ياسين.

وقالت شهيرة خلال لقائها مع الإعلامية إيمان الحصري في برنامج "مساء dmc": "أنا اتغيرت، ونظرتي للحياة اتغيرت، بعد ما هو راح في حاجات كتير أوي ما كنتش متخيلة إني استوعبها زي مثلا إني جالسة لوحدي، والوحدة ما كنتش متخيلة إني هصاحبها".

وتابعت:"أولادي مش عايشين معايا ولكن هما جنبي، وكل واحد مقفول عليه بيته".

وأكملت:"أنا بليل بنام لوحدي، ماكنتش متخيلة إن محمود ما يبقاش موجود، وإني هقدر أعدي المرحلة دي واستوعبها وأحبها".

وأردفت شهيرة:"محمود لما كان معايا بالدنيا كلها، ولكن لما هو مابقاش موجود لازم أصاحب الوحدة، ولازم أحبها علشان أقدر اتحملها".

يذكر أن توفي الفنان الكبير محمود ياسين، في 14 أكتوبر 2020 عن عمر ناهز 79 عاما، تاركا من خلفه إرثا فنيا كبيرا.