"دي بتاعة مخدرات".. لأول مرة نهى العمروسي ترد على اتهامها بالتعاطي

كتب- وائل توفيق:

كشفت الفنانة نهى العمروسي حقيقة تعرضها للسجن بسبب تعاطيها للمخدرات، وذلك أثناء استضافتها في برنامج "كلام الناس" على شاشة قناة "إم بي سي مصر".

وقالت: "أنا اتظلمت ودخلت السجن وعملولي تحليل طلبته من النيابة، والتحليل طلع إني مبشربش مخدرات ولا سجاير، أدافع عن نفسي في إيه؟، اللي عايز يتكلم عني هيتكلم مهما قولت؟، واللي عايز يشتم فيا هيشتم".

وأضافت: "أنا مش في موقع دفاع عن النفس خالص، أوضح حاجة أوضحها، لكن أدافع عن نفسي أنا آسفة أنا مش في موقف دفاع عن النفس، وكل حاجة موجودة، ولما أخدت براءة قالوا بتاعة مخدرات، والكويس هيدور ويعرف، وده كويس".

وتابعت: "أنا جالي غدة درقية في عينيا، وقالوا من المخدرات، يعني المرض ده أم كلثوم فضلت لابسة نضارة، بس مفرقش عشان ده حنجرتها، هو مفيش غيري بيشرب مخدرات، واللي بيشرب مخدرات شكلهم متغيرش، الكلام حتى مالوش أساس، اللي بيتكلم بيقول بتضرب مخدرات هو بيضرب مخدرات بيعكس اللي جواه".

يذكر أن نهي العمروسي ولدت في 11 يناير عام 1963، ليست فقط ممثلة ولكنها أيضًا كاتبة سيناريو، وحصلت الفنانة نهى العمروسي على بكالوريوس من قسم السيناريو بالمعهد العالي للسينما عام 1990.

وشاركت في عدة مسلسلات تليفزيونية منها "إحنا الطلبة"، الحارة"، "مملكة الجبل"، "شارع عبدالعزيز"، "البلطجي"، "ضمير أبلة حكمت"، غيرها، وتزوجت من الفنان مصطفى كريم وأصيب بالسرطان، ثم توفي في عمر صغيرة، ولم تتزوج بعده، وأنجبت منه ابنتها نازلي.

وقدمت نهى للسينما أعمالًا كثيرة أبرزها "جزيرة الشيطان"، "العذراء والعقرب"، "حنفي الأبهة"، "حارة برجوان"، "اللعب مع الشياطين"، "حلق حوش"، "هيستريا".