مي كساب عن ترتيب الأسماء على التتر: بشتغل بقالي 22 سنة هتقدر امتى لما أموت؟

كتب- عبد الفتاح العجمي:

قالت الفنانة مي كساب، إن ترتيب الأسماء على تترات الأعمال التي تشارك لها، يشغلها كثيرا، لأنها تشعر أن الأمر يكون تقديرا لها.

أضافت مي، خلال حوارها في برنامج "الراديو بيضحك" عبر إذاعة "الراديو 9090": "في موضوع التتر كل فنان له حساباته، كل واحد من حقه يعرف هيتكتب اسمه إزاي، وأنا التتر بيفرق معايا، بشعر أنه شيء تقديري، وأنا بشتغل من 22 سنة، فامتى هتقدر؟ بعد ما أموت ولا إيه؟".

تابعت: "أنا من الممثلين اللي بيتخانقوا بسبب ترتيب الأسماء على التتر، أنا هعيش وأموت بتخانق على التتر، حاجة بتوجعني، أنا لما تعاقدت على مسلسل (اللعبة) كنت خامس شخص يتعاقد، واتقالي فلان مضى قبلك فحجز، نعم! دي حاجة تضايق، ما فلان ده أنا كنت بطلة وهو بيبتدي حياته".

يذكر أن مسلسل "اللعبة" عُرض من 3 أجزاء عبر منصة "شاهد"، وهو من بطولة شيكو، هشام ماجد، مي كساب، ميرنا جميل، سامي مغاوري، عارفة عبد الرسول، محمد ثروت، حسام داغر، وبومي فؤاد وغيرهم، من إخراج معتز التوني.