"اللي شغالين معاك مش بيردوا عليّا".. كريم الحسيني يوجه رسالة لتامر حسني

كتب- عبد الفتاح العجمي:

وجه الفنان كريم الحسيني، رسالة للفنان تامر حسني، يطالبه خلالها مجددا بالتواصل معه.

وعبر صفحته الرسمية بموقع "فيسبوك"؛ أعاد "كريم" نشر منشور كان قد كتبه منذ عام، وفيه: "ممكن البوست ده يوصل للفنان تامر حسني.. يا كل القائمين على الصناعة من 2015 نفسي أوصل للفنان تامر حسني ومش عارف، وكل صحابنا المقربين لما بطلب منهم بيقولولي مبررات غير منطقية، ما علينا ممكن حد يوصلني للفنان تامر حسني عشان عندي أكتر من فكرة مكتوبة له حتى لو كان ماضي 7 أفلام أنا هستنى دوري، ممكن؟".

وآنذاك؛ رد عليه تامر حسني، قائلا: "يا أستاذ كريم والله محدش قالي ولا عرفت إنك عايزني غير من البوست ده، أنا تحت أمرك و يشرفني نقعد وأسمع منك إن شاء الله لمّا أرجع من السفر ويارب كل الخير ليك في حياتك".

"كريم" أعاد نشر المنشور مجددا، مصحوبا بتعليق: "فات سنة على نزول البوست ده، وبرضه معرفتش أقابل الفنان المحترم تامر حسني.. حاولت في خلال السنة دي أوصلك والله كل اللي شغالين معاك ماحدش بيرد عليّا.. أوصلك إزاي!؟ أنا عارف إنك لو عايز توصلي هبقى عندك في المكتب بكره".

ويشارك كريم الحسيني حاليا في مسرحية "زقاق المدق" على مسرح البالون، عن رواية الأديب العالمي نجيب محفوظ، رؤية درامية وأشعار محمد الصواف، ومن إخراج عادل عبده، بطولة: دنيا عبد العزيز، بهاء ثروت، مجدي فكري، بثينة رشوان، شمس، أحمد صادق، سيد جبر، عبد الله سعد، حسان العربي، سيد عبد الرحمن، مروة نصير، مراد فكري، عبد الرحمن عزت، هاني عبد الهادي، عصام مصطفى، أحمد شومان، محمد النوبي، إبراهيم غنام، صابر عبد الله، محمد زينهم، أحمد مصطفى، ياسر يني، وسارة مصطفى.