قبلات وصور في حمام السباحة.. لقطات رومانسية جمعت شيرين عبد الوهاب وحسام حبيب

كتبت- بهيرة فودة:

أثارت تصريحات الفنانة شيرين عبد الوهاب جدلًا كبيرًا بعد مداخلتها مع الإعلامية "لميس الحديدي"، أمس، في برنامج "كلمة أخيرة"، عقب كشفها عن تفاصيل صادمة حول علاقتها بالفنان حسام حبيب وإعلانها أنه ضربها وسحلها وتسبب في حلاقة شعرها.

وقبل تكرار الأزمات جمعت شيرين بحسام لقطات رومانسية ومواقف مختلفة التقطها عدسات المصورين.

"مصراوي" يعرض لكم أبرز الصور الرومانسية التي جمعت شيرين عبد الوهاب وحسام حبيب.

وكانت قالت الفنانة شيرين عبدالوهاب: "كنت قاعدة في أمان الله مع عيالي اللي بقالهم 4 سنين شايفين الويل وأنا كمان، وسافرنا الساحل قلنا نتبسط ونرجع بسبب أني أنا وبناتي نفسيتنا تعبانة ومكناش عايشين تقريبًا وبناتي مكنوش بيعرفوا يقعدوا معايا وظروفي كانت صعبه".

وأضافت "شيرين" في مداخلة هاتفية لبرنامج "كلمة أخيرة" على فضائية "أون إي" اليوم الثلاثاء: "كنت عايشة مع زوج مبيشتغلش ومبيخرجش تقريبًا فأنا كنت محبوسة 24 ساعة في أوضة نومي مبعملش حاجة قاعدة بس، وأنا غلطت في حق نفسي وعارفة كده، ومش عيب أن الست المشهورة أنها تبقى بتحاول تحافظ على بيتها زي أي ست"، موضحة: "كنت فاكرة إني بحافظ على بيتي، ولكنه مكنش بيت دا كان مصيدة فئران".

وتابعت: "كنت في الساحل ولقيت تليفون بيكلمني الساعة 1 بالليل، بسرقة عربيتي المرسيدس وكانت مكتوبة باسم حسام حبيب، وكل الناس عارفة إني كنت بحاول أجمل صورته لكن الناس مش هبل وعارفين كل حاجة وإني بحاول أجمل وأقول كلام كذب عشان أطلعه كويس".

وأردفت: "حسام حبيب مكنش بيشتغل ومكنش بيروح يشوف أهله أو أصحابه ومبيعملش حاجة غير حب الامتلاك وفضلت جنبه وفضلت أدافع عشان الحب ينجح لأني مبحبش أسقط أو أتهزم وأنا خدامة الراجل اللي أعيش معاه بس الراجل، ودا مش عيب، ولقيت نفسي من بعد كورونا بتدمر وشغلي اللي كنت بتكل عليه إنه يخلصه مش بيخلصه، وهو إنسان مودي، وخسرني كل الناس أخويا وأختي وأمي وأصحابي والسواق بتاعي والشغالة بتاعتي وكل الناس بيتكلموا عليه ومتآمرين عليه لدرجة إنه حسسني إن الدنيا تآمرت على أننا منبقاش مع بعض".

وأوضحت: "صدقته مع أن الحقيقة مش كده، والحقيقة إنه لازم يتعالج نفسيًا لأنه هو عنده حب الامتلاك بإنه عايزني قدامه وخلاص، ابتزاز من كل شيء".