بعد اتهامه بعدم إطعام ابنته.. خالد عليش: يوم 12 فبراير لم أشاهدها أصلا

كتب-مصطفى حمزة:

أعرب الفنان والإعلامي خالد عليش، عن دهشته بعد اكتشافه تفاصيل محضر تم تحريره ضده في قسم شرطة الأهرام يوم 12 فبراير العام الماضي، من قبل ميما شامي" زوجته السابقة وأم ابنته".

عليش، نشر عبر صفحته في موقع فيسبوك، صورة من المحضر، وكتب،:"الحقيقة أنا مبلم بقالي شوية من ساعة ما قريت ده ومش مصدق، ده محضر معمول فيا من ١٢-٢-٢٠٢١، أنا لسه مكتشفه بعيدا أن هو يؤكد صدق روايتي، إني مش عارف أشوف بنتي بشكل سليم في الوقت ده، وده اللي خلاني ألجأ للعقد اللي بينا، وعمل إلزام بما فرضته بنفسها على نفسها، والمحكمة حولته لرؤية فى مركز شباب، وبعدها رحت وما كملتش، والقصة الطويلة العريضة في البوست اللي فات بس مش قادر أصدق أن ده محضر اتعمل فيا".

وردا على جاء في المحضر عن عدم إطعامه الطفلة لمدة 11 ساعة، تابع، وكتب:" مش قادر أفهم يعني إيه خدتها ومأكلتهاش، يعني إيه ما اديتهاش الأدوية، يعني إيه ببعت أشخاص غريبة تجيبها، يعني إيه بتاجر بصورها، طب ليه عايز أشوفها ؟ طب ليه بعمل كل ده".

عليش، أضاف،:" ده أنا قلبت في الموبايل عشان أشوف في التاريخ ده يمكن فعلا عملت حاجة تضايق، لقيت إني ماشفتهاش يوم ١٢ أصلا، وبعدها بيومين جبتلها هدية عشان الڤلانتين، في الآخر يتعمل فيا محضر ويتقال عليا الكلام ده من ورايا، ليه كل ده".

واكمل،:" هل يريح الأم وأصحابها إني أطنش، وأكبر دماغى وأسيب البنت وما اشوفهاش خالص، بالمناسبة المحضر ده تم نشره عن طريق الأم، مش أنا اللي عرفته لوحدي، أنا بجد مش مصدق وكإن في إصرار إني أنا أطلع وحش وخلاص، ربنا يهدي".

يذكر أن محكمة الأسرة بمدينة 6 أكتوبر،أصدرت أمس الأربعاء، حكمًا لصالح الإعلامي خالد عليش، بإلزام مطلقته بتمكينه من رؤية صغيرته منها، لمدة 11 ساعة أسبوعيًا يوم الجمعة.