اندلاع حريق في منزل هبة الأباصيري: "نار في خزين التوم" (صورة)

كتبت- منى الموجي:

كشفت الفنانة والمذيعة هبة الأباصيري، عن اندلاع حريق في منزلها، اليوم الأحد 15 مايو، ونشرت صورة آثار الحريق عبر حسابها الشخصي على موقع "فيسبوك".

وطمأنت هبة متابعيها وعلقت على الصورة التي نشرتها "اللطيف الستار.. اتفاجئنا بمنظر حريق ونار طايرة ماسكة في شباك المطبخ والحائط من بره ومواسير المياه، لا فيه أثر لعقب سيجارة اترمى ولا فيه أي حد أصلا دخل المكان ده، ولا فيه أي منفذ حتى لجيران يرموا في المكان ده أي حاجة ولا الجو حر نار للدرجة دي".

وتابعت "النار طالعة من جوة صندوق كرتون فيه خزين التوم !! ودي أول مرة في حياتي أصلاً أخزن توم !! الله يسامح الست (ز) اللي بتساعدني هي اللي أقنعتني أخزن توم (نفس الست الطيبة اللي قالتلي وأنا عندي كورونا: احطلك نعناع عالشاي ليه، ما خسارة طالما انتي كده كده مش هتستطعمي، أنا لسه فاكراهالك يا (ز) بس مسامحاكي، اللهم لك الحمد يا لطيف يا ستار، راضية جدا جدا جدا يا ربي".

جدير بالذكر أن هبة الأباصيري شاركت في رمضان 2022، بمسلسل "مين قال" إخراج نادين خان، بطولة جمال سليمان، أحمد داش، نادين.