نشوى مصطفى غاضبة:"ضيعوا عليا فرصة الحياة وحاربت علشان أمثل"

كتب-مصطفى حمزة :

عبرت الفنانة نشوى مصطفى عن حزنها الشديد لعدم تمكنها من تحقيق أحلامها في مجال التمثيل الذي حاربت من أجل دخوله على حد وصفها.

وكتبت نشوى مصطفى عبر حسابها الشخصي على فيسبوك: حلمي إني أكون ممثلة بدايته كانت وأنا عندي 11 سنة وكانت أول مرة أشوف فيلم باب الحديد، الممثل اللي بيعمل دور قناوي سحرني، مكنتش أعرف اسمه ولا أعرف إنه مخرج ولا كنت أفهم يعني إيه مخرج، اتوحدت مع إحساس عينيه، واللي لحد دلوقتي مع احترامي لكل عباقرة وأساتذة التمثيل مشفتش مساحة الصدق القصوى غير في عيني يوسف شاهين وهو قناوي، طفلة عندها 11سنة أحلامها شبت خارج حدود أسوار طبقة اجتماعية متفهمش يعني إيه لما يسألوها عايزة لما تكبري تطلعي إيه تقول لهم عايزة أبقى ممثلة، حاربت علشان أكون ممثلة.

واستكملت نشوى: حاربت علشان أكون ممثلة وقدرت وبشروطي، بس معرفتش أحارب علشان أكون ممثلة زي ما كنت أتمنى، استسلمت للتنميط ودي كانت شروطهم طالما أنا ليا شروط، أحيانًا كنت بقدر أفلفص".

واختتمت:"بس وأنا بقرب من النهاية بعتذر لنفسي إني بمساعدة آخرين استسلمت وحرمتني من متعة إني أكون زي ما تمنيت، ضيعت وضيعوا عليا فرصة الحياة، الحمد لله في كل الأحوال، الحمد لله ديمًا، الحمد لله"

نشوى شاركت مؤخرا في مسلسل الرسوم المتحركة آدم عليه السلام بطولة أحمد سلامة ولقاء سويدان وأحمد ماهر ومروة عبد المنعم وعايدة فهمي وإنعام سالوسة.