نجل مجدي كامل يستعرض عضلاته.. ويُعلق: "شغل 60 يوم" (صور)

كتب- هاني صابر:

شارك عادل نجل الفنان مجدي كامل والفنانة مها أحمد، صورا له يستعرض من خلالها عضلاته.

ونشر عادل، الصور، عبر حسابه على إنستجرام، وعلق: "سهل إنك تحاول لكن البطولة الصعبة محتاجة اسمرار وصبر، ده شغل ٦٠ يوم ولسه مكمل".

وتابع: "الفكرة مش في التمرين وبس، الفكرة في أكلك ونومك وصبرك والإرادة بتاعتك وطموحك اللي لازم ميبقاش ليه سقف ده الأهم بكتير من أي حاجة".

وأضاف: "عايز أشكر أخويا وصاحبي وعشرة عمري والمدرب بتاعي على كل حاجة عملها معايا وعلى تعبه ومجهوده الفترة اللي فاتت من غيره مكنتش هبقى الشخص المختلف ده خالص، ولا كنت هوصل لكده ولا للي لسه هوصله إن شاء الله، بجد من أحسن المدربين في مصر في فترة قصيرة جدا هيخليك حاجة تانية علشان شاطر في شغله بجد وبيخاف على شغله أوي ودايما عايز يعمل أحسن حاجة، آخر حاجة هقولها (عملتها بالحرب مش بالضرب)".

وعلقت والدته الفنانة مها أحمد، قائلة: "بسم الله ما شاء الله ولا قوة إلا بالله، ربنا يحميك ويكرمك يا قلبي".

فيما علق والده الفنان مجدي كامل، قائلا: "ما شاء الله، الله أكبر، ربنا يحرسك ويحميك ويبعد عنك العين".

وكان عادل نجل الفنان مجدي كامل، أعلن في فبراير الماضي، عن تعاقده مع نادي الزمالك الإماراتي.

وكتب عادل، عبر حسابه على إنستجرام: "الحمد الله الذي تتم بنعمته الصالحات.. تم التعاقد مع نادي الزمالك الإماراتي.. خطوة جديدة ومشوار جديد وحلم جديد.. توكلت على الله، يا رب كرمك وتوفيقك ونجاحك في اللي جاي إن شاء الله.. دعواتكم".

View this post on Instagram

A post shared by @adelmagdiikamel