هنيدي يكشف عن انتمائه الرياضي ورأيه في شيكابالا

كتبت- منى الموجي:

التقى النجم محمد هنيدي بجمهوره عبر بث مباشر أمس الاثنين 26 نوفمبر، على صفحته الرسمية بموقع فيسبوك، وتحدث خلاله عن فيلمه الجديد "نبيل الجميل أخصائي تجميل"، وأجاب على الكثير من أسئلة الجمهور على مدار ما يقرب من 40 دقيقة.

وردًا على سؤال حول انتمائه الرياضي والنادي الذي يقوم بتشجيعه، قال "أنا زملكاوي وبحب الأهلي.. واللي هياخد الدوري اللي هيلعب أحسن ويتماسك أكتر".

وعن شيكابالا، قال "موهبة وحالة خاصة جدا ناس كتير بتستمتع بيها".

وتحدث هنيدي عن فيلمه الجديد "حبيت شخصية دكتور التجميل بسبب المواقف اللي بيتعرض ليها، ودي تهمني بالنسبة للكوميديا وحاجة تانية ان على مستوى الحياة كلها فيه ناس محتاجة تعمل تجميل من جوة مش من برة، من برة اه مهم لكن بحدود وده المعنى البسيط في الفيلم".

وأشار إلى أن الهدف الأول من العمل هو الضحك: "كلنا عايزين نضحك إن شاء الله يعجبكم، كلنا اجتهدنا من أول المخرج المبدع خالد مرعي والشباب اللي كتبوا الفيلم، والكوكبة الجميلة من النجوم كل واحد بطل وبيقدم دور مهم".

فيلم "نبيل الجميل أخصائي تجميل" بطولة محمد هنيدي، نور اللبنانية، محمد سلام، رحمة أحمد، محمود حافظ، حجاج عبدالعظيم، أحمد فؤاد سليم، ضياء الميرغني، محمد الصاوي، مادلين طبر، ومن تأليف أمين جمال ومحمد محرز وإخراج خالد مرعي.