"الاعتزال أحسن قرار خدته في حياتي وهربت لألمانيا بسبب ضعفي".. أبرز تصريحات حنان مع عمرو الليثي

كتبت- منال الجيوشي:

حلت الفنانة المعتزلة حنان، ضيفة على برنامج "واحد من الناس" مع الإعلامي عمرو الليثي، في حلقة أمس على شاشة الحياة.

حنان خلال الحلقة صرحت عددا من التصريحات أبرزها:

_ والدتي صوتها حلو جدا وكانت بتشجعني وأنا صغيرة

_ عمار الشريعي كان أب، ولما قابلته طلب مني أغني لأم كلثوم

_ اتجوزت وأنا عندي 18 سنة، وسبت فرقة الأصدقاء بسبب حملي وجوازي.

_ عمري ما عملت عملية تجميل أو أي حاجة في وشي، والناس متخيلة ده عشان شكلي اتغير.

_ بعد الاعتزال قعدت 7 سنين بعيط بس، لأني مش قادرة أرجع ومش قادرة استمر في اللي أنا فيه.

_ الاعتزال هو أحسن قرار أخدته في حياتي

_ لما ولادي "هشام وأميرة" نجحوا في حياتهم حسيت إن أنا كنت صح

_ ناس كتير حاولوا يرجعوني ومن كتر ضعفي هربت لألمانيا

_ انفصلت أنا ووالد بنتي أميرة وكان ده أقسى وقت في حياتي

_ مكنتش بحب ألمانيا

_ أنا دخلت في سكة التدين بس كنت داخلة في سكة غامقة جدا، وأخويا أنقذني وقالي ماتمشيش ورا شخص

_ ناس طلبوا مني أغني بالألماني بس موافقتش، وقلت الأولى إني أرجع أغني في بلدي.