أسما شريف منير عن طليقها: "أبو بنتي متواجد في كل مناسبة تخصها"

11:22 م الإثنين 19 ديسمبر 2022

عرض 5 صورة
عرض 5 صورة
عرض 5 صورة
عرض 5 صورة
عرض 5 صورة

تطبيق مصراوي

لرؤيــــه أصدق للأحــــداث

كتب- مصراوي:

نشرت الفنانة أسما شريف منير، منشوراً مطولاً امتدحت فيه تواجد طليقها في كل المناسبات الخاصة بابنتهما "لارا" مثل حفلات المدرسة، وأنه يشاركها مسؤولية التربية والاهتمام بها بعيدا عن أسلوب المكابرة والتجاهل الذي يقع فيه الكثير من المطلقين.

وشاركت على حسابها الرسمي بموقع تبادل الصور "إنستجرام" مقاطع مصورة ومجموعة صور تجمعها مع ابنتها وزوجها السابق، وقالت: "الفيديو اللي في سلايدر رقم ٣ (لارا) أخر واحدة فوق خالص لابسة لبس سانتا، وده كان رد فعلها وطاقتها أول ما شافتني أنا ووالدها، وعشان كده بكتب البوست ده وعشان كل ما تيجي فرصة اتكلم في الموضوع ده بعمل كده، عشان كل مرة بحس أن لو أب واحد أو أم واحدة سمعوني وراجعوا نفسهم وقرروا يتنازلوا عن كل الخطط والقضايا والمحاكم والخناق وفكروا قد إيه هما بينقذوا نفسية ومستقبل أولادهم مش هيترددوا لحظة يختاروا السلام".

وتابعت: "كل مرة بنفهم أكتر عن نفسية بنتنا والتغيرات اللي بتعدي بيها وكل مرة بنتحد فيها أو بنكون موجودين في أهم لحظات حياتها بنشوف قد إيه بتكون سعيدة من قلبها ونفسيتها مرتاحة ودي أكتر حاجة بتفرق لها، أكتر من الهدايا واللبس واللعب.. شهادة أبو بنتي بيكون متواجد في كل حفلات المدرسة وكل مناسبة تخصها مش بيعمل زي رجالة كتير وسايبها عليا، بالعكس ودي حاجة تانية مهمه جداً، إن الأب مش دوره بس يجيب فلوس، كل حاجة الأب بيشارك فيها بتقرب الطفل خطوة لنفسية سوية أكتر رغم إن الظروف مش عادية، مش أب وأم عايشين تحت سقف واحد، بس يمكن نكون أقرب من اللي عايشن مع بعض، عشان بنحترم بعض وبنحترم مشاعر بنتنا وبنسمع لها بجد".

وأضافت أسما أن التضحية الحقيقة مش اننا نستخسر في نفسنا أشياء عشان أولادنا، التضحية المفيدة نتنازل عن الانتقام اللي بيرضي غرورنا أو بيحسسنا اننا جبنا حقنا ونسيبه على جنب ونعيش في سلام".

واختتمت بملاحظة أنها لا تفكر هي أو طليقها في الرجوع مرة أخرى، لكن العلاقة الودودة بينهما مستمرة من أجل تحسين نفسية ابنتهما.

وتزوجت ابنة الفنان شريف منير عام 2010 من محمود السكري وأنجبا لارا، قبل أن يقررا الانفصال.