هشام عاشور لـ"مصراوي": نيللي كريم أجمل واحدة بالعالم وهدفي التمثيل في هوليوود

كتبت- منى الموجي:

تصوير- محمود بكار:

قال الممثل هشام عاشور، لاعب الاسكواش سابقا، إن احترافه للتمثيل تأخر لأنه كان يعيش في نيويورك في الفترة من 2012 حتى 2021.

وأشار في تصريحات خاصة لـ"مصراوي"، أن رغبته في التمثيل بدأت في تلك الفترة، إذ حرص على المذاكرة بداية من 2013، وهدفه منذ اللحظة الأولى وحتى الآن أن يستكمل مشواره في هوليوود، وهو ما يواصل العمل عليه: "وده اللي شغال عليه مش بذاكر عربي بس لا وإنجليزي، بصور عربي ومونولوجات إنجليزي".

وعما إذا كانت خطوته في رمضان 2022 بالتمثيل من خلال مسلسلين "أحلام سعيدة" بطولة النجمة يسرا و"يوتيرن" للفنانة ريهام حجاج، والابتعاد عن المشاركة في مسلسل زوجته النجمة الكبيرة نيللي كريم أمر مقصود، قال "بتتحطي في حتة صعبة جدا، إن البنت اللي حبيتها مشهورة جدا جدا، والناس بتحبها جدا جدا، هي أجمل واحدة في العالم، الناس بتقول ده بتاع سكواش إيه اللي جابه هنا، والناس متعرفش اني بذاكر تمثيل من امتى، وعملت إيه، وإني واخد الخطوات دي من سنين، ولو مكنتش في المسلسلات دي عملت شيء كويس، كان الجمهور قطعني، وفهمت اني طالما متقطعتش اني اديت كويس جدا".