بعد ضبطها بمواد مخدرة.. منة فضالي لـ منة شلبي: "ربنا يفك كربك"

كتب- هاني صابر:

حرصت الفنانة منة فضالي، على دعم الفنانة منة شلبي بعد تداول أخبارا حول إلقاء القبض عليها بمطار القاهرة لحوزتها كمية من مخدر الماريجوانا.

وكتبت منة، عبر "ستوري" حسابها على إنستجرام: "الشماتة والغلط والتشهير حرام والله العظيم.. الإنسان إما يكون في محنة مهما كانت بيحتاج الكلمة الحلوة أو اللي يقف جنبه واللي يتمنالوا ربنا يخفف من عليه".

وتابعت: "نفسي كل اللي كتب كلمة وحشة على منة شلبي يحط نفسه مكانها هل تتمنوا الفضيحة؟ الستر من عند ربنا احنا بشر وممكن نغلط عادي دي نجمة وبتشرف مصر بره بلدها".

وأَضافت: "عارفة إن ممكن أتهاجم وممكن حد يقولي تريند وزفت.. ميهمنيش في الآخر دي زميلة ونجمة وليها مكانتها ومحتاجة نقف جنبها مش ضدها احنا مش ضد القانون بس نفكر في الإنسانية، منة شلبي ربنا يفك كربك".

وألقت الجهات المختصة في مطار القاهرة، القبض على الفنانة منة شلبي، اليوم الجمعة 25 نوفمبر، وتم التحفظ عليها قبل تحويلها إلى النيابة بتهمة حيازة كمية من مخدر الماريجوانا.

وأكدت المصادر في تصريحات خاصة لمصراوي، أن الفنانة منة شلبي كانت قادمة من نيويورك، واشتبه رجال الجمارك في حيازتها بعض الأشياء، وبتفتيشها عثر بحوزتها على مخدر الماريجوانا.​