حسام حبيب: أنا وشيرين ربنا اختارنا لبعض.. والإنسان غير السوي مش هيفرقنا (فيديو)

كتب- عبدالفتاح العجمي:

رد المطرب حسام حبيب، على التسجيل المنسوب لوالده حسين حبيب، حول علاقته بزوجته النجمة شيرين عبدالوهاب، والذي يتم تداوله عبر مواقع التواصل الاجتماعي على نطاق واسع.

وقال حسام، في فيديو نشره عبر حسابه بموقع "إنستجرام": "حنفية شيرين اتقفلت على ناس، وهما اللي عملوا الحاجات دي، أنا وشيرين ربنا اختارنا لبعض، وما أعتدقتش إن إنسان مش سوي ممكن يفرقنا عن بعض، أيَّا كان درجة قرابته ليّا".

أضاف: "أنا مش همشي ورا إن الإنسان ده بينكر، ولا لأ ولا صوته ولا مش صوته، أنا مبقاش عندي ثقة في الناس اللي حواليا، والشخص ده مش أول مرة يؤذيني، ولحد دلوقتي بنتعامل بمنتهى الأدب، وحسبي الله ونعم الوكيل، بس ده مش معناه ضعف، وأنا قادر جدًا أجيب حقي بالقانون أيَّا كان من مين".

تابع: "أمي اللي جت سيرتها عندي غالية جدًا، أنا أمي والراجل اللي خلفني منفصلين من 30 سنة، وأمي هي اللي ربتني وعلمتني وكانت دايمًا تقولي اسأل عليه ووده مهما آذاك، لكن لما الأذى يوصل لكده فكفاية أوي، وربنا هيجيبلنا حقنا".

وجاء في التسجيل الصوتي الذي وُصف بأنه مُسرب، ويُنسب لحسين حبيب، أن هناك خطة لزواج حسام من أخرى؛ سعيًا لتحقيق حلمه بالإنجاب، وتصريحات أخرى متعلقة باختلاف البيئة الاجتماعية التي جاءت منها شيرين عن تلك التي ينتمي إليها حسام، وهو ما تسبب في وجود خلافات مع والدة حسام، حسب التسجيل الصوتي، الذي نفى صحته حسين حبيب.

يذكر أن شيرين عبدالوهاب تزوجت مرتين، الأولى من الملحن والموزع محمد مصطفى، واستمر الزواج 5 سنوات، وأثمر عن ابنتين هما "مريم وهناء"، وتزوجت من حسام حبيب في أبريل 2018.

View this post on Instagram

A post shared by Hossam Habib (@hossamhabib)

اقرأ أيضا|

رد شيرين عبد الوهاب الكامل على التسجيل المنسوب لوالد حسام حبيب (فيديو)

شيرين عبد الوهاب: حسام حبيب طلع من حياتي كل الثعابين اللي كانت بتستغلني (فيديو)

شيرين عبد الوهاب: حسام حبيب صايني وصاين عيالي.. وكل الناس بتتخانق (فيديو)

شيرين عبد الوهاب: حسام حبيب راجل مفيش منه واللي زيّه مبقوش موجودين (فيديو)

شيرين عبد الوهاب: مفيش أي توكيلات باسم حسام حبيب.. وأنا كلي بتاعته (فيديو)