منى زكي: "بعلم بنتي إن ما ينفعش راجل يتعدى على جسمها"

كتبت- بهيرة فودة:

أعربت الفنانة منى زكي، عن سعادتها بعرض قضايا مُناصرة للمرأة ضمن أحداث مسلسل "لعبة نيوتن"، الذي عرض في السباق الرمضاني المنصرم .

وقالت خلال استضافتها في برنامج "الحكاية" أمس الأحد، الذي يُعرض عبر شاشة "MBC مصر": "مبسوطة إن المسلسل تناول قضية الاغتصاب الزوجي، لأن مش من حق الزوج إنه يعتدي على مراته، لا دين ولا قانون ولا أي حاجة بتقول كده".

وأضافت: "لازم نربي أولادنا إزاي البنت تحافظ على نفسها وجسمها محدش يتعدى عليه، بعلم بنتي أن مش ينفع الراجل يتعدى عليه ولازم يبقى في إحساس بينهم، لازم يبقى عندها ثقة في نفسها، وإن جسمها ملكها حقيقي، حتى لو اتجوزت".

وأكملت: الزواج مش معناه إن ده مش جسمها، ومش معناه إنها مبتمتلكش نفسها، لأ هي بتمتلك نفسها لغاية ما ربنا ياخدها".

واستطردت: مليون في المية مينفعش الراجل يعتدي على مراته، ده توافق، ولازم يبقى فيه مشاعر وحوار، إحنا مش حيوانات، حتى الحيوانات مبيعملوش كده".

وحقق مسلسل "لعبة نيوتن" نجاحًا كبيرا، بعد عرضه في رمضان الماضي 2021، وهو بطولة منى زكي، محمد ممدوح، عائشة بن أحمد، محمد فراج، حنان يوسف، وتأليف وإخراج تامر محسن.