"من حقها تبقى أم والطلاق كان غدر".. محامية طليقة مصطفى فهمي تكشف آخر التطورات

كتبت- منال الجيوشي:

قالت إيناس فوزي، محامية الإعلامية فاتن موسى طليقة الفنان مصطفى فهمي، إن موكلتها فوجئت على "السوشيال ميديا" بخبر طلاقها.

وأكدت "فوزي" في مداخلة مع برنامج "الحكاية" للإعلامي عمرو أديب، أن زواج "فهمي" من فاتن موسى بعد علاقة حب جمعتهما في دبي، وكان الاتفاق بينهما ألا يحرمها من حقها في الأمومة خاصة أن هذا الزواج هو الأول لها.

وتابعت: "كانت بتطالب بحق الإنجاب ومن حقها تبقى أم، والعلاقة بينهم كانت طيبة جدا وكانوا بيسافروا كتير، وآخر مرة كان مسافر فعلا يحضر خطوبة أختها لكن مراحش عشان الأوضاع في لبنان، وبعدها اتفاجئت بخبر الطلاق وده غدر".

وأوضحت أن "موسى" تحدثت مع سناء لحظي محامية مصطفى فهمي عما نشر على "السوشيال ميديا" فقالت لها "أنا مش متأكدة واحتمال تكوني اتطلقتي".

وأضافت: "فاتن جت مصر وهي مصدومة من الكلام، وراحت أوتيل واتصلت وبعتتله رسايل عشان عايزة تعرف هي متجوزة ولا اتطلقت لكنه مردش عليها، وبعدها استعانت بيا، قلتلها ارجعي بيتك ولو إنتي اتطلقتي يبقى بتقضي فترة العدة، ولو ماطلقتيش أهي شقتك ورجعتي ليها".

وكشفت أن موكلتها دخلت الشقة ولم تجد مصوغاتها وأغراضها موجودة، وحينما طلبت النجدة قال "فهمي" إنه وضع أغراضها في 18 شنطة بلاستيك.

واستكملت: "المفاجأة اللي عملها مصطفى فهمي رغم إنه اتجوزها جواز شرعي على سنة الله، بس لما طلقها كان طلاق غيابي رجعي، ومعناها إنها لو طالبت بحقوقها هيقال إنها ما زالت زوجته وفي عدتها وممكن يرجعها بورقة، لكن لو كان نادوي يديها حقوقها كان طلقها بينونة كبرى، يعني لما تطالب دبوقتي بحقوقها يقولولها ممكن يرجعك".

ووجه الإعلامي عمرو أديب سؤال للمحامية قائلا: "طيب هو مستعد يديها حقوقها، هي عايزة إيه؟"، لترد: "هي ليها مؤخر صداق نص مليون، نفقة عدة هتتسمى برقم معين، ليها نفقة متعة تاخدها، والزميلة المحامية بعتت إنذار بتقول فيه استلمي 18 شنطة، وده إبراء لذمة مصطفى من كافة حقوقها، وأنا بطالبه بينونة كبرى عشان تاخد حقها".