"متحرش مستهتر وساذج".. ابنة عفاف راضي تكشف عن تعرضها للتحرش

كتب- مصطفى حمزة:

كشفت المطربة مي كمال، ابنة الفنانة عفاف راضي، عن تعرضها للتحرش من قبل أحد الأشخاص، رغم أنه من معارفها وزوجها، وسبق له زيارتهم في المنزل

المطربة مي كمال كشفت عبر صفحتها على موقع فيسبوك، عن الواقعة ونشرت صور لرسائل المتحرش، وكتبت: "أكترحاجة مستفزاني، إني لو كنت طلعت وريت دي للناس من ٣ سنين، يمكن مكانش ده كمل تحرش في البنات كده".

وتابعت: "بس حسيت إني أولا مش عايزة أي حد مخه مريض، يرمي عليا أنا اللوم إن أنا بتاعة مشاكل، وبرضو للأسف من كم الاعتذارات، اللي قعد يعتذرها لي ساعتها أنا صدقت إن دي أول مرة يتكلم كده، واستحرمت أسوأ سمعته من موقف واحد ومحططلوش في مخي ساعتها عنوان المتحرش".

واستكملت: "بعد 3 سنين لسه بيعمل نفس الشيء، وأحد الحوادث أصبحت جسدية، البني آدم ده تعريف المتحرش المستهتر الساذج، لأن ده واحد دخل بيتي وقابل جوزي، وعارف هو ممكن يشوف مننا عواقب شكلها إيه ومع ذلك قرر يقول لي الكلام ده وفي شات، لكن فيه غيره مش أغبيا كده وبيتحرشوا وش لوش وينكروا و ده المخيف أكتر".

وأضافت: "ياريت أي واحد يفكر ياخد السكة دي مع أي واحدة في مشهد موسيقي، أو غيره يكون متأكد إن مفيش مساحة للسكوت عن القرف ده، وإن بسهولة جدا حياته الشخصية زالمهنية وكل علاقاته في المجال وبره المجال هتنتهي".

المطربة مي كمال أحيت مؤخرا حفلا غنائيا أقيم على مسرح معهد الموسيقى العربية، وشاركتها الغناء والدتها الفنانة الكبيرة عفاف راضي.