"أصبح ضروري التعامل مع الأدوية والمهدئات"..علي الألفي يعلن تعافيه من الاكتئاب

كتبت- بهيرة فودة:

أعلن الفنان علي الألفي تعافيه من الاكتئاب، بعد خمس سنوات.

وكتب علي الألفي منشورًا، عبر صفحته الشخصية بموقع" فيسبوك"،: "مساء الفل.. عندي انتصار صغير حابب احتفل بيه.. ممكن ؟؟، في الواقع أنا من خمس سنين تم تشخيصي بالاكتئاب، واضطرابات القلق، وشوية حاجات تانية، وفي معركة مستمرة حقيقي شرسة، تحت إشراف طبيبي النفسي اللي حقيقي أنا ممتن لكل مجهوده معايا".

وأضاف :" على مدار السنة دي، حياتي حقيقي كانت بتنهار خطوة ورا التانية.. فقدان أصدقاء، ماتوا لأسباب مختلفة، فقدان حب كنت مراهن نفسي إنها قصة العمر كله، تجهيز بيت وعزال وشهور من ابتزاز الصنايعية، وأخيرًا.. فقداني لشغلي الصباحي، أصبح ضروري بشكل حتمي التعامل مع الأدوية والمهدئات، لفترة مش قليلة".

وتابع :" النهاردة بحتفل معاكم أني وقفت الأدوية، وشايفها انتصار، ممكن نرجع وممكن لا، بس على الأقل بشكر ربنا، وبشكر نفسي، بشكر القلوب الطيبة اللي كانت حواليا، صحبة وونس كل واحد فيهم شايل كتير الحمد لله".

يذكر أن علي الألفي هو مطرب من مواليد بورسعيد بدأ الغناء في سن مبكرة، درس وتخرج في كلية هندسة بورسعيد جامعة قناة السويس، وحصل على لقب سوبر ستار جامعة قناة السويس بعد فوزه بلقب أفضل صوت على مستوى الجامعة 4 سنوات متتالية.