شيماء سيف تعلق على المتنمرين: "ضميره مش بيأنبه"

كتبت- بهيرة فودة:

علقت الفنانة شيماء سيف على الأشخاص المتنمرين على بعض الفنانين والفنانات، مؤخرًا.

وكتبت "شيماء" عبر حسابها الخاص بموقع "فيسبوك": "الفنان أو الفنانة من دول لو خبى ابنه عن الأضواء أو حط على وشه في الصور قلب أو أي حاجة عشان ميتعرفش ويعيش حياة طبيعية تمسكوه تبهدلوه وهات ياتلقيح وهو فاكر نفسه مين وهو يعنى محدش خلف غيره وكلام من ده كتير يضايق ويسم البدن".

وأضافت: "ولو عاش حياته طبيعي ونزل صور ولاده تستلموه تريقة هو وعياله وأهله بلا رحمة، والكارثة أن التريقة على لون وشكل يعنى هو مالوش أى ذنب وإنت يا جميل ياللي مفيش فيك غلطة بتعترض على خلقة ربنا طب نعمل إيه طيب، والسؤال هنا كمان اللي بيكتب كده ده ضميره مش بيأنبه ولو لحظة صغيرة".

يذكر أن آخر أعمال الفنانة شيماء سيف مسلسل الزوجة 18 الذي تم عرض في رمضان 2019 ، المسلسل من تأليف كل من محمد أبو السعد، خالد أبو بكر، وليد أبو المجد وإخراج مصطفى فكرى بطولة حسن الرداد ,وناهد السباعى، سلوى خطاب.