فيديو| محمد هنيدي يطالب جمهوره بالبقاء في المنزل 15 يومًا

كتبت- بهيرة فودة:

طالب الفنان محمد هنيدي جمهوره ومتابعيه بالبقاء في المنزل لمدة 15 يومًا، تجنبًا للاختلاط وانتشار فيروس كورونا المستجد.

ونشر "هنيدي" مقطع فيديو، عبر حسابه الرسمي بموقعي تويتر وإنستجرام، قال فيه: "قدامك حل من الاثنين تختار فيه واحد، الأول إنك تقعد في البيت لمدة 15 يوم، وأكيد هتتأثر ماديا بس فترة مؤقتة إن شاء الله، أو الحل الثاني إنك تخرج في الشارع وتخسر روحك وتخسر أي حد من حبايبك".

وأضاف: "أكيد هتختار الحل الأول، إنك تقعد في البيت 15 يوم، ليه بقي لأن الأبحاث بتقول وأكدت إن الفيروس مدة الحضانة بتاعته 14 يوم تقريبا، أنت ممكن وانت ماشي بتعدي الناس لا أنت عارف إنك مصاب ولا هما عارفين إنك إنت مصاب، لكن لو قعدت في البيت المريض الحقيقي هيبان عليه أعراض المرض ونقدر نعالجه حسب الإمكانيات".

وتابع :"لو ما عملناش كده الأعداد هتتضاعف، وهتبقى أكبر من أي دولة، أو إمكانيات أي دولة، فأعتقد إنك تقعد في البيت، تحمي نفسك، وأسرتك، وبلدك".

وعلق هنيدي على الفيديو :"لكل الناس، لو فضلنا بس 15 يوم في البيت ونقلل تحركاتنا كل حاجة هتعدي".

وكانت الحكومة المصرية قد اتخذت عدة إجراءات لتجنب فيروس كورونا المستجد، من بينها منع التجمعات، وغلق المحال التجارية عند السابعة مساء، وتعليق رحلات الطيران، وتوقف الدراسة

لكل الناس .. لو فضلنا بس ١٥ يوم في البيت ونقلل تحركاتنا
كل حاجة هتعدي #١٥_يوم_بالبيت pic.twitter.com/dkZ8IZsvuf

— Mohamed Henedy (@OfficialHenedy) March 22, 2020