داليا البحيري تعلق على تعطيل الدراسة.. وتحكي تجربتها في السوبر ماركت

كتب - بهاء حجازي:

نشرت الفنانة داليا البحيري، عبر حسابها الشخصي بموقع "إنستجرام"، عددًا من مقاطع الفيديو، لتعلن بها عن خسائر عاصفة التنين، وموقفها من تأجيل الدراسة.

وقالت داليا في الفيديو: "التلاجات عندي بايظة من ساعة العاصفة علشان الفيوز بتاعت الكومباوند ضربت، وأوضة قسمت بنتي غرقت، علشان الناس تقول حسوا بالفقرا، ربنا يا رب ما يخليهم فقرا، بس كل الناس اتضررت من العاصفة".

وأضافت: "قرار وقف الدراسة من السيد الرئيس اللي بشكره عليه، قرار حكيم جدا، لأن قبله كنا تايهين ومش عارفين نعمل إيه، كنا عايشين في اللالا لاند فشكرا يا ريس".

وتابعت، الفنانة داليا البحيري: "أنا مريت بتجربة لذيذة أنا وحسن جوزي، نزلنا علشان نشتري شوية حاجات من السوبر ماركت، لقيت معظم الحاجات موجودة في السوبر ماركت، أخدت سبراي عشان أنضف بيه الأيد بتاعت الترولي بتاع السوبر ماركت، لكن لقيت السوبر ماركت حاطط قفازات عشان نلبسها ونقلل انتشار المرض ودي حركة شيك، لكن السوبر ماركت كان زحمة وعشت في رعب، وقعدت في السوبر ماركت 3 ساعات ودا رقم كبير، وبعد ما رجعنا كل حاجة عقمناها ودي حاجة مهمة يا ريت تعملوها".