أحمد حسن يكشف مفاجأة:"أنا وزينب ووالدتي عايشين في بيت إيجار".. (فيديو)

القاهرة-مصراوي:
قال اليوتيوبر أحمد حسن، إن ما يتم تداوله حول الأموال التي تعود عليه وزوجته "زينب" نظير فيديوهاتهما على "يوتيوب" غير صحيح تماما وعكس ما يتم تداوله.

أضاف حسن، خلال حواره وزوجته "زينب" في حوار لهما ببرنامج "الجمعة في مصر" عبر فضائية "MBC مصر": "أنا وزنيب لحد النهارده معندناش بيت ملك، والله أنا وزينب عايشين في بيت إيجار، ووالدتي عايشة في بيت إيجار، وكذلك أخويا، أنا معنديش إمكانيات أجيب لوالدتي شقة ملك، أو تجيب هي لوالدتها شقة ملك هي كمان، إحنا عايزين نجيب لأهلنا قبل ما نجيب لنفسنا".

تابع: "والله اللي بقوله ده حقيقي، ولو عايزين إثبات لده موجود، إحنا كل أملنا حاليا إن ربنا يكرمنا بفلوس نقدر نجيب بيها بيت عشان منشلش كل شهر هم الإيجار".

ويعد اللقاء أول ظهور إعلامي لليوتيوبرز أحمد حسن وزينب عقب الإفراج عنهما بعد الاتهام في استغلال نجلتهما في فيديوهات على الإنترنت.