ياسمين صبري: "كل ست تستحق إنها تعامل برحمة" (فيديو)

قالت الفنانة ياسمين صبري، إنها "تحب الستات جدا" وذلك لشعورها أن السيدات في الشرق الأوسط يقعن في المرتبة الثانية.

وأضافت ياسمين صبري، في مداخلة هاتفية لها مع برنامج "كلمة أخيرة" للإعلامية لميس الحديدي عبر فضائية ON: "لما شوفت خبر تقدم إحدى السيدات المصريات تُدعى (نرمين) بدعوى خلع من زوجها بسبب إصراره على تحويلها إلى نسخة مني وتقليدي في ملابسي وطريقتي، حسيت إن الست دي قوية جدا لأنها طلبت منه الطلاق ولما رفض قررت تخلعه، الست دي نموذج للست اللي بتاخد حقها وعارفة تقول للرجل كفاية كده كتير".

تابعت: "في رجالة بيجرحوا في مشاعر ستات وبيسكتوا ويستحملوا ويفوتوا ويفتكروا أن القوة هي الصمود، بالعكس (نرمين) دي مثال للست القوية اللي عارفة قيمتها، وأنا أوجه لها التحية وكلنا كستات لازم نتعامل منها، والست لو الراجل مش مقدرها تسيبه وتمشي، كل ست تستحق إنها تُحترم وتُحب وتُعامل برحمة لا أن تُعامل بقهر".