بعد فوز بيراميدز على الداخلية.. عزيز الشافعي يعلق: "مين بيدرب بالظبط؟"

كتبت - منال الجيوشي:

علق الملحن عزيز الشافعي، عبر حسابه الرسمي بموقع تويتر، على فوز فريق "بيراميدز" على فريق "الداخلية"، ضمن بطولة الدوري المصري الممتاز، بثلاثة أهداف لهدف.

وكتب "الشافعي" قائلاً: "الحقيقة رغم فوز بيراميدز مش عارف مين بالظبط بيدربه، الخواجة الأرجنتيني بتاع إعلان غير مبادئك، ولا المساعد بتاعه اللي عمال يكلمه، ولا أحمد أيوب اللي بيكلم المساعد، ولا هادي خشبة اللي بيكلم أيوب، ولا أحمد حسن اللي بيكلم خشبة، ولا البدري اللي بيتصل من فوق بأحمد حسن، ولا حد تاني بيتصل بالبدري".

وتابع: " كل ده لا يمنع إنهم بيلعبوا كورة هجومية وشكلهم حلو فالملعب وعاملين ماتشات حلوة، وختامًا بقى كان جميل جدًا إن علي جبر يطلع بيجيب أجوال أهو من ضريبات ركنية، والسلام ختام".

وانتهت، مساء اليوم الأحد، مباراة فريقي بيراميدز والداخلية، ضمن بطولة الدوري المصري الممتاز، وانتهت بفوز بيراميدز بثلاثة أهداف لهدف.