رشا مهدي ومصطفى شعبان يتفقان على آيتن عامر.. والسبب "المطبخ"

كتب – بهاء حجازي:

نشرت الفنانة رشا مهدي على صفحتها الشخصية بموقع تويتر تغريدة، وجهتها للفنان مصطفى شعبان، في سياق الحديث الدائر بين شعبان وآيتن عامر حول أن البنات ليس لهن سوى المطبخ ولا تعرفن الحديث في أي أمر آخر.

وغرّدت رشا "طب إيه رأيك بقى مفيش حتى ديليفري.. وتخرجنا تفسحنا وتعشينا برا، قال مطبخ قال".

فرد عليها شعبان "اذا كان كده ماشي، يبقى اختاروا انتو الاتنين معاد غدا أو بعد غد، علشان اللى بيحبو اللغة العربية الفصيحة، قال بكره مش بوكره قال يالا يا رشا كفاية قاعدة في المطبخ".

لترد عليها رشا المهدي مع إشارة لآيتن عامر "يا حبيبي طول عمرك صاحب واجب، كده بقى نخش المطبخ نعملك أحلى كباية شاي"، وقامت رشا بعمل إشارة لآيتن عامر في تغريدتها، ليرد عليها شعبان موجها حديثه لآيتن "شوفتى بقى برضه روحتى المطبخ".

يُذكر أن شعبان وآيتن عامر دخلا في جدال ساخر حول دور المرأة، تعقيبا على تغريدة لأيتن عامر قالت فيها "لما واحدة من البنات تدي رأيها في حاجة بلاقي الولاد وقاصدة أقول ولاد، بيردوا عليها بجملة تافهة (روحي على المطبخ) ودي حاجة حلوة وتدعو للفخر، دي الحاجة اللي مشهورين بيها، لكن انتوا الحاجة الوحيدة اللي مشهورين بيها للأسف مش هنعرف كبنات نقولهالكوا عشان هي بصراحة حاجة تعر"، وجاء رد شعبان وقتها "عندك حق يا تونة بصراحة، كلامك مظبوط جدًا، يالا روحي على المطبخ".