بعد تعادل المنتخب المصري.. يوسف الشريف: "المهم الماتشات الرسمية وربنا يستر"

كتبت- منى الموجي:

انتهت المباراة الودية التي جمعت بين المنتخب المصري ونظيره الكولومبي، بتعادل الفريقين، وانتقد مستخدمو مواقع التواصل الاجتماعي أداء المنتخب المصري طوال مدة المباراة، مؤكدين أنه أداء لا يبشر بخير.

وحرص الفنان يوسف الشريف على التعليق على الانتقادات الموجهة للمنتخب، عبر حسابه الرسمي على موقع "تويتر"، وكتب أكثر من تغريدة:

- الأخوه الموجودين في الاستوديوهات التحليلية. والأخوة الموجودين على السوشيال ميديا: ما هي الاستفادة الآن من الانتقاد المبالغ فيه لأداء المنتخب؟، هل ممكن كوبر يغير طريقته تماما في العشر أيّام دول؟ الإجابة لا.. يبقى انت كده بتضر مش بتفيد.

- على فكرة احنا كنّا بنلاعب كولومبيا مش مركز شباب ومن غير صلاح.. (الأرجنتين من غير ميسي شالت أربعة من نيجيريا).

- وأنا بقول من دلوقتي ماتش بلجيكا أصعب بكتير واحتمال نتيجته ماتبقاش كده (بلجيكا من التوب فور)، بلجيكا يعني ديبروين-هازارد-لوكاكو-ميرتينز-كاراسكو، وغيرهم.. ياريت نستعد نفسيا لده ونستفيد من الماتش ونشجعهم.. والمهم الماتشات الرسمية وربنا يستر.

- حتى لو في سلبيات.. لو حد عنده حل غير إننا نشجعهم يقول.. لو مفيش يبقى يلا نشجعهم.

- وعلى فكرة الموضوع مش بعصبية بالعكس في ناس من اللي بتنتقد بتقول كلام منطقي وصح مش غلط، بس العقل دلوقتي بيقول عشان الوقت ضيق لازم نبقى إيجابيين زيادة وفي ظهرهم طول الوقت.. وان شاء الله (نقدر) في كاس العالم.

- عموما أحسن حل إن إحنا نقول ( يارب )ربنا قادر على كل شيء.