شريف إدريس: هزيمة المنتخب وراء دخول ماهر عصام في غيبوبة

كتب- بهاء حجازي:

نشر الفنان الشاب شريف إدريس، على صفحته الشخصية بموقع "فيسبوك"، صورة تجمعه بالفنان ماهر عصام، وذلك بعد دخوله في غيبوبة ونقله لمستشفى إمبابة العام.

وكشف "إدريس"، عن سبب إصابة ماهر قائلًا: "طيب يا جماعة ده بجد تحذير مهم جداً، ماهر عصام كان اتعرض لأزمة صحية قريب وكان عنده انفجار في شريان في المخ ودخل المستشفى فترة، وكانت أزمة صعبة وعدت على خير، اللي حصل لماهر عصام النهاردة، وده اللي عرفته إنه كان بيتفرج على مباراة مصر، وانفعل مع المباراة فحصله نزيف في المخ".

واستكمل: "أرجوكم أي حد عنده أي مشكله صحية من أي نوع مايتفرجش على مباريات ولا يعرض نفسه لأي حاجه فيها انفعال، ماهر دلوقتي في حالة خطر جداً، أدعوله من قلوبكم، دعواتكم لأخويا وصديقي عشرة العمر ماهر عصام".

يشار إلى أن الفنان الشاب ماهر عصام تعرض لأزمة صحية، دخل على إثرها في غيبوبة ونُقل بعدها لمستشفى إمبابة.