لهذا السبب ..سما المصري تتراجع عن طلبها الزواج من محمد صلاح وتعتذر لزوجته ومحبيه

كتب - مصراوي

اعتذرت الفنانة سما المصري، لنجم الكرة محمد صلاح، لاعب نادي ليفربول الإنجليزي والمنتخب المصري، كذلك زوجته، وأهل قريته "نجريج"، بعد أن أثارت حالة من الجدل حول طلبها الزواج منه خلال الفترة الماضية .

ونشرت سما علي حسابها بـ"إنستجرام" رسالة اعتذار لكل محبيه وكتبت قائلة :"شفت برنامج جابر القرموطي وسمعت مداخله عمدة (نجريج) قرية النجم محمد صلاح ولما سأله الاستاذ المبجل القرموطي عن رأيه في إشاعة طلب زواج سما المصري من محمد صلاح رد العمده وقاله ( لا تعليق).. وكان باين من صوته انه زعلان.... بص ياعمده حقك عليا وحق صلاح ومراته علي راسي بجد وحق أهل أعظم لاعب في العالم علي راسي بجد وحقكم كلكم عليا أنا والله عمري ماتوقعت ان الموضوع يوصل للدرجه دي أبدا ... انا حسيت بحاجه وقولتها عندي هنا ع الصفحه حتي مش في الاعلام ولا الصحافه بس الصحفيين هم اللي اخدوا الاخبار من هنا من عندي......ياحضره العمدة صلاح حبيبنا كلنا مش حبيبي انا بس ولو لو زعلك انت ولا حد من اهله فأنا مااقدرش علي كده ابدا ووعد اني مش هانزل اي بوست تاني يخص صلاح او يخصني عشان مااجرحش مشاعر حد...الموضوع كبر وهو موضوع تافه بس عتابي عليك وع المذيع القرموطي المحترم انه مايصحش اني اتقارن بآيات العرابي ولا ليبرمان الاسرائيلي وتقولي اني باشتت تفكير صلاح بالكلام دا زي هم مابيعملوا....انا طلبت الجواز عادي وماكنتش فاكره ان الموضوع هيزعل ناس واهل بلده كده...حق كل قريه نجريج علي راسي وحق صلاح ومراته علي عنيا...انا بجد اسفه ارجوكم اقبلوا اسفي واعتذراي واعتبروني كنت باهرج وانا انسانه مجنونه ومريضه... صلاح دا احسن حاجه حصلت في مصر وربنا يخليه لمراته وبنته واسرته ويخليه لمصر كلها...انا آسفة بجد وآسفة لكل اللي بيحبوه كمان".

يُذكر أن المصري قد هنأت صلاح عقب فوزه رسميًا بجائزة أفضل لاعب في الدوري الإنجليزي لموسم 2017-2018، وطالبت الزواج منه حيث نشرت صورة مركبة لها ولصلاح، عبر حسابها على انستجرام، وعلقت عليها قائلة: "الناس اللي بتقول إني لو اتجوزت صلاح هيبطل كورة، صدقوني والله جوزهولي انتوا بس وهياخد أحسن لاعب في العالم مش بس أحسن لاعب في الدوري الإنجليزي"، واختتمت: "ده راجل قمر ومفرح مصر والعالم كله".