بالصور.. مفاجأة من أصدقاء هيفاء وهبي لها في عيد ميلادها

كتبت- سما جابر:

كشفت الفنانة اللبنانية هيفاء وهبي عن مفاجأة أصدقائها لها، احتفالًا بعيد ميلادها، الذي كان قبل يومين.

ونشرت وهبي عبر حسابها على موقع انستجرام، صورًا لها من حفل عيد الميلاد، وأرفقتها برسالة طويلة قالت فيها: "من يومين تحديدا يوم 7 مارس، كان المفروض عندي حفلة بمصر لشركة المفروض عم يحتفلوا باليوبيل الفضي في فندق Ritz Carlton هيك قالولي، ومتفقين من حوالي شهر إني رح غني فيها وبعدين برجع على لبنان كرمال عيد ميلادي يوم 10 مارس".

أضافت: "المهم.. حضرت حالي بالأوتيل ونازلة على مكان الحفلة فشخص قدملي بوكيه ورد فوق على باب المصعد فقلت لمدير أعمالي وحبيب قلبي محمد معقول فوت عالحفلة ببوكيه ورد؟ خليون يفوتوها عالغرفة، قالي نو عادي أنا باخدا منك.. أوكي ونازلين عالحفلة وأنا متوترة وفتح باب المصعد، وإذ بلاقي زفة مش عادية قلت يمكن مبسوطين فيي، وفجأة محمد بيقللي happybirthday!!".

وتابعت هيفاء: "طبعا أنا بالأول ما استوعبت قلتللو شو هابي بارذدي؟ وين ال ميكرو؟ يعني ما في مسرح؟ مش هغني؟.. دخلت القاعة محمد قللي ماما هنا كل سنة وانتي طيبة، وتركني أكتشف لحالي شو عم بيصير!.. لقيت كل أصحابي من كل مكان من لبنان ومن مصر موجودين في الحفل و عم بيصرخوا surprise طبعاً انا بالأول ما استوعبت وحسيت بدي أبكي بدي أضحك شعور ما بينوصف، وأنا بعدني عمبقللو لمحمد يعني مش هغني؟ وهو يقللي بالمصري: بقلك surprise ماما هنا واخواتك هناك واصحابك هنا دي ليلتك انبسطي، وفعلا كانت ليلة من العمر !! شكرا لكل أصحابي على المفاجأة الحلوة".

واختتمت بتوجيهها الشكر لمدير أعمالها قائلة: "شكراً محمد وزيري لأنك عطول بتخليني مبسوطة حتى بأصعب الأوقات، شكراً للي بيحبوني وشكراً لكل الأمنيات الحلوة اللي ما وقفت وشكراً لكم الحب الهائل اللي عمشوفو من الفانز.. أنا بحبكن كتير الله ما يحرمني منكم".