سولاف فواخرجي ترثي والدتها برسالة مؤثرة: "كل لمسة منك كانت عيد"

كتب - مروان الطيب:

رثت الفنانة السورية سولاف فواخرجي والدتها بنشرها عدد من الصور التي جمعتهما معًا طوال حياتها، عبر حسابها الرسمي على "انستجرام".

وعلقت على الصور قائلة: "أول عيد وابتسامتي مو معي، كان كل يوم معك وكل لحظة جنبك عيد، كانت كل لمسة من إيدك على راسي عيد، كانت كل كلمة حب منك وما أكترهن، عيد وكانت كل دعوة تدعيلي ياها وانا طالعة من الباب عيد، وهلا يا أمي مابقى في عيد.. تاري اللي ماعندو أم ماعندو عيد".

واستكملت تعليقها: "كنتْ أقوى قدام أصعب المشاكل لأنك معي، ياما تحملت ولابيوم ضعفت لأنك معي، هلأ لأ، لأنك رحتي كنتْ صغيرة، وبقيت الصغيرة المدللة لآخر لحظة.. وبهي اللحظة، فجأة، كبرت، وتعبت، وصرت لحالي، كتير لحالي.. كنتْ مالكة الدنيا فيكي، وبعدك صارت الدنيا كلها علي.. وهلا يا أمي بطلتي معي، بس إنت معي، وبيبقي ميلادك يوم مقدس لأنك أنت قديستي، وبيبقى عيدك متل أي عيد للوطن، وبتضل ضحكتك حياة، وبضل كل سنة قلك، كل سنة وانت بسمتي وروحي".​