حقيقة هجوم بشرى على محمد رمضان- صورة

كتبت- منى الموجي:

قامت الفنانة بشرى بمشاركة جمهورها على حسابها الشخصي على "فيسبوك"، منشور يضم صورة للفنان رشدي أباظة والفنان محمد رمضان، نشرته صفحة "مصر الحلوة زماااان"، مصحوبة بتعليق "انحطاط الذوق العام".

واعتقد البعض أن الفنانة بشرى تهاجم النماذج التي يجسدها رمضان في أعماله الفنية، أو أنها تهاجمه هو شخصيا، إلا أن بشرى انتقدت ما كُتب على الصورة، وعلقت عليها بقولها "مش انحطاط ولا حاجة.. الكلام ده فيه مبالغة.. كل ما هنالك أن النجوم أصبحوا أكثر واقعية وأقرب لشكل الإنسان العادي اللي ماشي في الشارع.. حلاوة نجوم السيما بتوع زمان بتزود نسبة العنوسة في البلد عشان سقف متطلبات البنات في فتى الأحلام بتزيد.. كدة احسن.. عيشوا عيشة أهاليكو واللي مش عايز من ده ف عندكو السويد و النرويج فركة كعب".

الجدير بالذكر أن بشرى كانت قد علقت على اتهام بطلات الأسطورة، الفنانة نسرين أمين والفنانة ياسمين صبري للمخرج محمد سامي بحذف مشاهد وتغيير النهاية لصالح زوجته الفنانة مي عمر، حيث كتبت "نفسي نعرف الفرق بين إعطاء حد فرصة و بروز دوره بغض النظر هو مين واننا منعملش كدة علي حساب الناس أو على حساب حقوق الناس التانية الأقدم والأشهر بحكم الاقدمية.. العدل بيقول من حقك تعطي فرص لوجوه جديدة بس (خصوصا لو موهوبين أو مطلوبين من السوق) لان دي سنة الحياة، بس مش من حقك ابدا تعمل كدة علي جثث الغير.. والأهم من هذا وذاك لازم نتعلم نحترم أن المطالب بحقه ده مش بتاع مشاكل لأن من حقه انه ما يخافش انه يقف لنفسه لو احس بظلم ما وقع عليه دون مبرر عملي مقنع غير الواسطة.. تفرق كتير اللي نجح لوحده واللي بينجح بالواسطة.. انا بتكلم في المبدأ نفسه مش علي أشخاص بعينهم.. دي أصلها آفة من آفات المهنة دي.. الواسطة و الشللية".