هنا شيحة ناعية ميرنا المهندس: ''ربنا يرحمك.. طول عمرك مقاتلة''

كتبت - سحر عزام :

نعت الفنانة هنا شيحة الفنانة ميرنا المهندس والتي توفت مساء أمس بعد صراع طويل مع المرض وتدهور حالتها الصحية خلال الفترة الأخيرة، مشيرة لإرادتها القوية وحبها الحياة وتحديها للمرض.

وكتبت شيحة عبر صفحتها على موقع التواصل الاجتماعي ''الفيس بوك'' اليوم الخميس :'' الدنيا غدارة و دايما تحس ان لِسَّه في وقت تعمل الحاجات اللي بتتشغل عنها .. و وسط الشغل و دوشت البيت والعيال .. الوقت بيسرقك .. وتلاقي خبر تازل علي رأسك يصدمك .. ربنا يرحمك يا ميرنا .. طول عمرك مقاتله وقلبك قوي و إرادتك قويه .. حبك للحياة خلاكي تتحدي المرض و كسبتي التحدي أكثر من مرة''.

وأضافت الفنانة هنا شيحة :'' أنا عارفة انك ارتحتي وكل اللي نفسك فيه حتلاقيه.. أنا مش بنعي لكم صاحبة سنين الدراسة والمشوار .. أنا بحييها علي حبها للحياه و عدم استسلامها، حشوفك أكيد يا ميرو .. في مكان أحلى بكتير وإنتي عارفه بقي اللي في القلب''.