محمد سامي: مي عمر طبخت 6 مرات في 11 سنة

كتب- عبد الفتاح العجمي:

قال المخرج محمد سامي، إن زوجته النجمة مي عمر تجيد الطبخ للغاية، موضحا: "بتطبخ حلو أوي، لكن من ساعة ما اتجوزنا طبخت 6 مرات، بس أحلى 6 مرات أكلنا فيهم، 6 مرات من أعظم الأكلات، 6 مرات في 11 سنة".

أضاف سامي، خلال مداخلة هاتفية مع الإعلامي عمرو أديب، أثناء حلول زوجته ضيفة على برنامج "الحكاية" عبر قناة "mbc مصر": "الواحد بيفرح دايما لما مراته بتشتغل، وبفرح لما أنا بشتغل، ولما بنوحش بعض بتبقى حاجة حلوة أوي".

وحول جديده بالفترة المقبلة؛ قال محمد سامي: "والله أنا نفسي إن شاء الله، نفسي أرجع للجمهور بحاجة كويسة، وإن شاء الله لو ربنا كاتب يبقى في شغل جديد هيبقى في شغل جديد".

يذكر أن آخر أعمال المخرج محمد سامي مسلسل "نسل الأغراب" مع النجمين أحمد السقا وأمير كرارة في رمضان 2021.