بالصور ..نجوم "مسرح مصر" يوجهون رسائل تهنئة لـ"أوس أوس" في عيد ميلاده

القاهرة- مصراوي:

هنأ عدد من نجوم مسرح مصر، صديقهم الفنان محمد أسامة "أوس أوس" الذي يحتفل اليوم بذكرى عيد ميلاده، ووجه معظمهم رسائل التهنئة علي حساباتهم الشخصية علي مواقع التواصل الاجتماعي

وقد نشر الفنان محمد عبد الرحمن صورة له مع أوس أوس عبر حسابه على موقع الصور والفيديوهات الشهير "إنستجرام" وعلق عليها: "شايفين القمر اللي ف النص ده السكر ده عيد ميلاده النهارده كل سنة وسنين جايه وانت مبسوط وبصحه وسعاده وراحة وروقان بال يا أوس أوس يا جدع يا صاحبي يا بو دماغ ناشفه وقلب أبيض ويارب يا صاحبي يشيل عنك كل حاجه وحشه يارب ويديم عليك نعمته".

بينما نشرت الفنانة سارة درزاوي على تهنئة صديقها الفنان أوس أوس بعيد ميلاده، وذلك من خلال نشرها لصورة، وكتبت قائلة: "أوس أوس... يعني الجدعنة كلها... اللي تلاقيه جنبك وقت ما تفكر تحتاجه.. اطيب واحد شفته... ابن اصول بجد.. كلام الدنيا كله مايكفيهوش.. كل سنة وانت طيب ومنور حياتنا ومشقلبهالنا... ربنا يفرحك ويكتبلك النجاح دايما... وتعيش متهني في حياتك وحواليك عيلتك وصحابك.. وقبلهم عمر ورويدا.. ربنا يخليك لينا وما يحرمنا من وجودك يا جدع".

كما علق الفنان علي ربيع علي تهنئة الفنان محمد أسامة الشهير بـ "أوس أوس" بمناسبة عيد ميلاده، ونشر ربيع عبر حسابه بموقع الصور الشهير "إنستجرام" صورة معه ، وعلق عليها قائلاً: "كل سنة وأنت طيب وسنة سعيدة عليك وربنا يكرمك ويحققلك كل إللي نفسك فيه ويبعد عنك كل حاجة وحشة".

كما قدمت الفنانة سارة عبد الفتاح التهاني له وكتبت : "كل سنة و اخويا عشرة العمر طيب و كويس و جمبي و في ضهري، الصورة دي من ٨ سنين مثلا، طول عمرك جمبي و معايا، طول عمرك اخويا بجد، عمرك ما قصرت معايا في حاجة، لو حاولت اشرحلك انا بحبك اد ايه ولا انت بالنسبالي ايه مش هتفهم لأن اللي جوايا ليك اكبر من الكلام بكتييير، والله بلاقيك زعلان انا بزعل و بلاقيك فرحان من قلبي بفرح، والله مفيش حد زيك في الدنيا عمري ما هلاقي حد يقف جمبي زيك، كل سنة و انت اخويا، وربنا يكرمك في حياتك و اشوفك احسن واحد في الدنيا و يخليلك رويدا اللي بمووت فيها و عمر بحبكوا اوي، وأختتمت كلامها بجملة بحبك يا صاحبي".

وكتب الفنان محمد أنور على حسابه انستجرام : "النهاردة عيد ميلاد اكتر واحد بيفرهدنا في العالم كل سنه وانت طيب ياصاحبي وعقبال ١٠٠ سنه كمان يارب".

كما كتب له الفنان حمدي الميرغني "صاحبي واخويا وحبيبي أوس أوس ...الطيبه والحنيه والجدعنه ابن الناس الطيبين .....ربنا يجعل كل ايامك عيد وتبقي سنه سعيده عليك وتحقق أكتر من اللي بتحلم بيه ...ويقوملك بابا بالسلامه ...ويخليلك رويدا وعمر ....كل سنه وانت صاحبي ياطيب.....مش عارف اقولك أيه تاني ، خلصت فيك كل الكلام ".

بينما نشرت له صديقته الفنانة دينا مُحسن الشهيرة بـ "ويزو" صورة تجمعهما معًا على حسابها الشخصي وتهنئه بعيد ميلاده.