محمد محمود عبدالعزيز يوجه رسالة لوالده في أول رمضان يقضيه بدونه

كتبت- منى الموجي:

حرص الفنان والمنتج محمد محمود عبدالعزيز، على توجيه رسالة لوالده الفنان الراحل "الساحر" محمود عبدالعزيز، بمناسبة حلول شهر رمضان الكريم، والذي يقضيه لأول مرة دون والده.

وكتب محمد عبر صفحته الرسمية على موقع "فيسبوك": "كل سنة وحضرتك طيب و بخير يا ابويا و صاحبي و أخويا و كل ما ليا، أول مره فحياتي ماتكونش معايا وقدام عنيا طول المدة دى بس برضه كل سنة وحضرتك طيب، لأني حاسس انك بخير وفي مكان أحسن من اللي احنا فيه بكتير".

وأضاف "وعايز أهدي لحضرتك كل حاجة بعملها سواء إنتاج إو تمثيل أو أي حاجة كويسة ممكن أعملها وتبسطك وأي خير بعمله أو بحاول إني أعمله زي ما حضرتك علمتني.. والسنادي بهدي حضرتك صيامي و كل ركعة وكل حرف هقرأه من المصحف الشريف اللي حضرتك ماكنتش بتسيبه، ربنا يتقبل مني و يقدرني و ابقى ربعك في أي حاجة".

واختتم رسالته بتوجيه كلماته لمتابعي صفحته، كاتبا "رمضان كريم.. كل سنة وحضراتكم جميعا بألف صحة وسلامة وخير وربنا يريح قلوبكم ويشفي كل مريض ويرجع كل بعيد ويصبر أي واحد موجوع ويهون علينا جميعا يا رب بحق الشهر الفضيل"، وطلب منهم قراءة الفاتحة والدعاء لوالده.

يُذكر أن محمد يشارك في رمضان كمنتج من خلال مسلسل "ظل الرئيس" بطولة الفنان ياسر جلال والفنانة هنا شيحة، ويظهر كممثل في العشر حلقات الأخيرة من مسلسل "طاقة نور" بطولة الفنان هاني سلامة والفنانة حنان مطاوع.