6 مشاكل تواجهك وقت الافطار في رمضان

في عادات سيئة جدا بنعملها وقت الفطار و مش بناخد بالنا منها لاننا بنكون متحمسين جدا و جعانين و لكن في منها مضر و في منها خطير

اولا : متاكلوش اكتر من الكمية اللي متعودين عليه لمجرد اننا في مناسبة لان دا هيسبب زيادة في الوزن احنا بغني عنها و هنعاني في اننا ننقصه تاني... كلي الحصة اللي متعودة عليها و بس

ثانيا: متاكلوش الاكل بسرعة و بنهم لان دا بيؤدي تلقائي بدون ما ناخد بالنا اننا بناكل اكل اكتر من اللي احنا متعودين عليه و دا لان المعدة بتستوعب ان الاكل دخلها بعد 20 دقيقة من وصوله ليها

ثالثا : متكتروش من اكل اللحمة لانه هضمها بيكون صعب فا لو اكلنا لحمة كتير ممكن توصل لامساك. و يفضل دايما يكون في خضار او سلطة جنب اللحوم حتي لو كانت اللحمة بكميات مناسبة

رابعا : متشربوش الشاي بعد الاكل علي طول لانه بيسبب فقدان الفوائد كلها اللي كانت في الاكل او بمعني اصح الاكسدة - وهو الخلل الذي يحدث لخلايا الجسم، حيث تعتبر الأكسدة أحد التفاعلات الأساسية والمهمة في جسم الإنسان ، والتي تقوم بتقسيم جزيئات الخلية وتدمرها ، كما تدمر الأحماض الدهنية الموجودة في الخلية مما يجعل أجسامنا عرضه للعديد من الالتهابات والفيروسات والسرطانات.

خامسا : المشروبات الرمضانية كترها مش حلو ورا بعض لانها ممكن تسبب زيادة للسكر في الجسم او انخفاض في ضغط الدم زي الكركديه مثلا

سادسا : يفضل تناول الحلويات بعد مرور ساعتين علي الاكل بحيث تكون كل العناصر الغذائية اللي كانت في الغذاء اتوزعت و دا عشان نتجنب ارتفاع نسبة السكر في الدم

ملحوظة : يفضل في العموم عدم تناول اي شيء غير الاكلة الرئيسية الا بعد مرور ساعتين سواء مشروبات او فاكهة او حلويات لضمان تمام الهضم

يمكنك متابعة أهم وأحدث المقالات على الفيس بوك عبر صفحة مصراوى - هو وهي