الطبق الرئيسى: حمام محشى مع صينية بطاطس بالمشروم

طريقة عمل حمام محشى

المدة: حوالي ساعة و نص
الصعوبة: متوسطة
عدد اﻷفراد: 1 - 3

مقادير الاكلة

• 2 جوز حمام
• كوب ارز مصرى
• 1\4 كيلو كبد وقوانص
• بصلة مفرومة
• معلقة قرفة صغيرة
• ملح _ فلفل
• رشة جوز الطيب
• معلقة بهار مشكل

طريقة عمل حمام محشى بالكبد والقوانص

1. يغسل الحمام جيدا وينقع فى الملح والدقيق لضمان نظافتة ثم يشطف بالماء جيدا
2. نقوم بغسل الكبد والقوانص وتقطيعهم ووضعهم فى ماء على النار مضاف اليهم حبة حبهان وورقة لورا وشوية ملح وفلفل ونتركهم حتى النضج
3. بعد نضج الكبد والقوانص نقوم بنشلهم من الماء ونبتدى نحمر البصلة فى زبدة ونقلبها حتى يصبح لونها ذهبى نضيف اليهم الكبد والقوانص ونقلبهم
4. نضيف على الكبد والقوانص كوب الارز المغسول ونقلبة جيدا وبعدين نضيف اليهم نصف مقدار الارز ماء اى نصف كوب ماء ونتركه على نار هادئة حتى يتشرب الماء ويدخل فى النضج
5. نضيف على الارز معلقة القرفة ورشة جوز الطيب وشوية ملح وفلفل ومعلقة البهار المشكل ونقلبه جيدا ثم نقوم برفع الارز من على النار وتركه يبرد
6. ناتى بالحمام ونقوم بحشوه بالاررز والكبد والقوانص ونقوم بادخال الارز فى الجوانب ثم نقوم بغلق الحمام عن طريق خيط وابرة ونقوم بتنظيفة من الارز من الخارج
7. نكون محضرين ماء بتغلى فيه ورة لورا وحبهان وملح وفلفل وعود قرفة ثم نضع الحمام بعه لمدة نصف ساعة او حتى تمام النضج
8. نرفع الحمام من الشوربة ونحمرة فى السمنة عللى الوجهين ويرش بالملح والفلفل
9. يقدم مع الملوخية الخضرة وبالف هنا

طريقة عمل صينية بطاطس بالمشروم و الكريمة

المدة: حوالي ساعة
الصعوبة: سهل و سريع
عدد اﻷفراد: 4 - 7

المقادير

• 5 ثمرات بطاطس
• علبة مشروم صغيرة
• 1 فص ثوم مدقوق
• علبة كريمة طهي صغيرة
• ملعقتين زيت زيتون
• كوب جبنة مبشورة ( حسب الرغبة)
• ملعقة كبيرة زعتر
• ملح حسب الرغبة

الطريقة

1. يسخن الفرن
2. تقطع البطاطس شرائح رقيقة
3. يحمر الثوم في الزيت ثوم يضاف اليه المشروم مع التوابل حتي يذبل قليلا
4. ثم تضاف الكريمة و يترك إلى أن يغلي ثم يرفع من على النار
5. ( يجب الحذر من ان تبدأ الكريمة في الجفاف)
6. ترص شرائح البطاطس في الصينية ثم يضاف إليها خليط المشروم و توضع في الفرن حتي تنضج البطاطس
7. ترش الجبنة علي الوجة و تترك في الفرن 5 دقائق اخري لا اكثر
8. تقدم ساخنة