حمو بيكا: النقابة بتبعتني أفراح تبعهم بدون أجر.. ولما بطلب أروح أفراح تانية يقولولي لأ

كتب- عبد الفتاح العجمي:

كشف مطرب المهرجانات حمو بيكا، عن أصعب موقف يمر به في حياته.

وقال بيكا، في حوار مع الإعلامية إنجي أنور ببرنامج "مصر جديدة" عبر قناة "etc": "أصعب موقف لما أكون أنا موقوف ويقولولي روح فرح فلان وأروحه من غير ما أخد أجر".

أضاف: "حضرت أفراح ناس في النقابة وأنا موقوف، إزاي أنا موقوف وأنتوا بتبعتوني لأفراح أنتوا عايزين تشغلوهالي بس؟! مش بيدوني التصريح لكن يخلوني أغني في أفراح ناس تبعهم ومخدش فلوس".

تابع: "الموقف ده أنا حسيت فيه إني بقول حاضر ونعم عشان حاجة أنا مظلوم فيها، بس أنا بقول حاضر ونعم عشان خايف لو قولت لأ مش هشتغل، لكن لو قولت آه يمكن يشغلوني أي حاجة تاني".

استكمل: "ببقى لسه طالع من الفرح ده وأقولهم أنا عندي شغل في الحتة الفلانية يتقالي لأ.. شوفتوا أكتر من كده ظلم؟ ده كده ظلم وافتراء ولا لأ؟".

جدير بالذكر أن نقابة المهن الموسيقية أكدت أنها لن تمنح حمو بيكا تصريحا بالغناء إلا بعد اجتيازه اختبارات النقابة بنجاح.

وكانت نقابة المهن الموسيقية، أعلنت في 17 نوفمبر 2021، عن قائمة تضم مطربين وفرق مشهورة بتقديم المهرجانات، شملها قرار المنع من الغناء، وهم: أبو ليلة، الديزل، الزعيم، العصابة، المدفعجية، أوكا وأورتيجا، حسن شاكوش، ريشة كوستا، علي سمارة وأحمد عوت، الدخلاوية، ولاد سليمان، حمو بيكا، شواحة، نجوم المهرجانات، علاء فيفتي، عمر كمال، عمرو حاحا، فرقة الصواريخ، فرقة العفاريت، فرقة الكعب العالي، كزبرة وحنجرة، مجدي شطة، وزة مطرية، وعنبة.