بالصور| "مفيش حاجة حلوة عملتها زي شغلي معاه"- من قصدت سميرة سعيد بكلماتها؟

كتبت- منى الموجي:

تصوير- محمود عبدالناصر:

وجهت الفنانة سميرة سعيد الشكر لوزيرة الثقافة الدكتورة إيناس عبدالدايم، ولإدارة مهرجان الموسيقى العربية في دورته الثلاثين.

وقالت سميرة في كلمتها بحفل ثان ليالي المهرجان، فور انتهاءها من أغنية "حلو حبك" من ألحان الموسيقار جمال سلامة.

وتابعت سميرة "المخرجة جيهان مرسي، عشرة عمري صاحبتي وحبيبتي أصرت اكون موجودة في المهرجان ده، خصوصا انه يحمل اسم الدكتور جمال سلامة، اللي مهما اتكلمت عليه مش هوفيه حقه".

وأضافت "دكتور جمال جزء من تاريخي، مفيش حاجة حلوة عملتها قد شغلي معاه، (حلو حبك) كانت البداية كل الأغاني اللي بغنيها لغاية النهاردة وجوايا من ألحان جمال سلامة، سعيدة اننا بنكرمه وبنديله حقه الادبي والفني، وده السبب الحقيقي اللي خلاني اكون النهاردة وياكم، غير اني مبسوطة بوجودكم وحضوركم، لأني بحب اي حد بيجي دار الاوبرا بحس انه هو بيحب الفن الحقيقي شكرا".

سبق فقرة سميرة سعيد في حفل اليوم على مسرح النافورة، فاصل أحياه الفنان اللبناني زياد برجي.