بالفيديو| بعد حفل استاد القاهرة.. نجم "بنت الجيران" يعتذر للجمهور لهذا السبب

كتب - هاني صابر:

انتقد عدد من الجمهور الذي حضر حفل استاد القاهرة الدولي، أمس الجمعة، بمناسبة عيد الحب- مطرب المهرجانات عمر كمال؛ بسبب صوته الذي لم يظهر كما كان في أغنيته التي قدمها "بنت الجيران".

وردًا على ما وصله من تعليقات، نشر كمال، فيديو عبر "فيسبوك" يرد من خلاله على هذه الانتقادات، قائلاً: "عايز أوضحلكم حاجة بخصوص حفل الاستاد إمبارح.. أنا عليا ضغط غير عادي، بتصل بالناس بقولهم أنا تعبان مش قادر أحضر حفلات.. يقولولي تعالى، تعالى غني أغنيتين وامشي، كنت عاوز أعتذر عن حفلة الاستاد، لكن قالولي مينفعش، لازم تحضر أنت وحسن، أنا مش قادر أتكلم، صوتي تعبان من الحفلات، اللي حضر حفلة الاستاد شاف الفقرة نجحت إزاي، يا ريت الناس تسامحني وتعذرني".

وتابع: "أنا مكنتش سامع صوتي في المايك خاسس إزاي، أنا لغيت كل حفلاتي النهارده في المنصورة وبورسعيد.. أنا مش قادر أشتغل، ومش قادر أغنى للناس، والناس مرحمتنيش، أنا بعتذر لكل واحد مكنتش عند حسن ظنه، أنا بني آدم بتعب وبيجيلي برد زي باقي الناس، أنا والله العظيم ما بنام".

واستكمل: "ناس كتير بتلومني: إنت اتكشفت، أصل ده مش صوتك.. والله تعبان ومش بنام، شغال قبلها الإسماعيلية وبورسعيد، وبعدها رحت على الاستاد، ضغط الشغل عليا كتير. بشكركم انكم وصلتوني إني أستلم المسرح من الفنان تامر حسني وشيبة وكل فنان كان في الحفلة.. أنا كان قدامي 20 سنة عشان أقف قدام 90 ألف واحد كدا".

وشارك عمر كمال، أمس الجمعة، في حفل عيد الحب بـ"استاد القاهرة"، إلى جانب تامر حسني ونانسي عجرم ووائل جسار وبهاء سلطان وأحمد شيبة وساندي.